Аляксандр Кірылавіч Карабанаў
Аляксандр Кірылавіч Карабанаў (25 студзеня 1952 — 3 жніўня 2019) — беларускі вучоны ў галіне геалогіі. Акадэмік Нацыянальнай акадэміі навук Беларусі (2014; чл.-кар. з 2004), доктар геолага-мінералагічных навук (2003), прафесар (2011).
| Аляксандр Кірылавіч Карабанаў | |
|---|---|
| Дата нараджэння | 25 кастрычніка 1952[1] |
| Дата смерці | 3 жніўня 2019 (66 гадоў) ці 2019[2] |
| Грамадзянства | |
| Род дзейнасці | геолаг, мінералог |
| Навуковая сфера | геалогія і мінералогія[2] |
| Месца працы | |
| Навуковая ступень | доктар геолага-мінералагічных навук (2003) |
| Навуковае званне |
|
| Альма-матар | |
| Прэміі | |
| Узнагароды |
 |
Біяграфія правіць
Скончыў Беларускі дзяржаўны універсітэт (1974).
З 1974 года у Інстытуце геахіміі і геафізікі Нацыянальнай акадэміі навук Беларусі: з 1985 года старшы навуковы супрацоўнік, з 1992 года загадчык лабараторыі. З 2008 года дырэктар Інстытута прыродакарыстання Нацыянальнай акадэміі навук Беларусі, адначасова загадчык лабараторыі[4].
Узнагароды правіць
Прэмія Нацыянальнай акадэміі навук Беларусі (2008) за цыкл работ «Разломы і лінеаменты зямной кары Беларусі: тэарэтычныя і прыкладныя аспекты».
Навуковая дзейнасць правіць
Даследаванні ў галіне рэгіянальнай геалогіі, неатэктонікі, геадынамікі і геамарфалогіі Беларусі. Вывучаў геалогію кайназоя тэрыторыі Беларусі, выявіў заканамернасці будовы найноўшых геалагічных фармацый і эвалюцыі буйных формаў рэльефу, распрацаваў арыгінальную комплексную методыку рэканструкцыі амплітуд неатэктанічных рухаў старажытнамацерыковага абляднення. Распрацаваў канцэпцыю неатэктанічнай эвалюцыі і найноўшай геадынамікі тэрыторыі Беларусі. У складзе міжнароднай групы праекта «Неагеадынаміка Балтыкі» выканаў неатэктанічнае раянаванне Заходняй і Цэнтральнай Еўропы, вылучыў галоўныя геадынамічныя фактары, якія вызначалі ход геалагічных працэсаў і характар асадканакаплення ў познім кайназоі на тэрыторыі Беларусі і сумежных абласцей Усходне-Еўрапейскай платформы.
Аўтар 250 навуковых прац, у т.л. 13 манаграфій.
Бібліяграфія правіць
- Гродненская возвышенность: строение, рельеф, этапы формирования. — Мн.: Наука и техника, 1987.
- Геология Беларуси. — Мн.: ИГиГ НАН Беларуси, 2001 (в соавт.).
- Разломы земной коры Беларуси. — Мн.: Красико-Принт, 2007 (в соавт.).
- Неотектоника и неогеодинамика запада Восточно-Европейской платформы. — Мн.: Беларуская навука, 2009 (в соавт.).
- Культавыя і гістарычныя валуны Беларусі / А. К. Карабанаў і інш.; НАН Беларусі, Інстытут прыродакарыстання. — Мн.: Беларуская навука, 2011. — 235 с. — 200 экз. — ISBN 978-985-08-1295-7.
Зноскі
- ↑ Беларусь у асобах і падзеях
- ↑ а б Czech National Authority Database Праверана 27 мая 2023.
- ↑ https://nasb.gov.by/bel/members/pamyati-uchenogo/karabanov.php
- ↑ КАРАБАНАЎ Аляксандр Кірылавіч
Спасылкі правіць
- Аляксандр Кірылавіч Карабанаў у базе даных «История белорусской науки в лицах» Цэнтральнай навуковай бібліятэкі імя Якуба Коласа НАН Беларусі (руск.)