Аньяльскі саюз
Анья́льскі саюз (шведск.: Anjalaförbundet) — палітычная групоўка афіцэраў шведскай арміі (113 афіцэраў-дваран), якая выступіла ў 1788 годзе супраць абсалютызму караля Густава III.
12 жніўня 1788 года ў мястэчку Аньяла (Паўднёвая Фінляндыя) яны склалі "Дэкларацыю аньяльскіх канфедэратаў", або "Умову фінскай арміі", дзе патрабавалі ад караля спыніць распачатую ім без згоды парламента вайну з Расіяй, уступіць з ёю ў перагаворы аб міры, вярнуцца да канстытуцыйнага праўлення.
Частка афіцэраў дамаглася дзяржаўнага аддзялення Фінляндыі ад Швецыі.
Удзельнікісаюза ўступілі ў кантакт з расійскім урадам.
Не атрымаўшы падтрымкі ў Швецыі і Пецярбургу, Аньяльскі саюз распаўся восенню 1788 года, яго ўдзельнікі арыштаваны і асуджаны.
Літаратура правіць
- Беларуская энцыклапедыя: У 18 т. Т.1: А - Аршын / Рэдкал.: Г.П.Пашкоў і інш. - Мн.: БелЭн, 1996. - 552 с.: іл.