Вікіпедыя

Аперацыя ААН у Кот-д’Івуары

Аперацыя ААН у Кот-д’Івуары (АААНКІ) — міратворчая аперацыя ААН на тэрыторыі Рэспублікі Кот-д’Івуар. Увод замежных войск адбыўся на падставе рэзалюцыі 1528 СБ ААН ад 27 лютага 2004. Аснову кантынгенту склалі сілавікі краін ЭКАВАС і Францыі.

Канадскія міратворцы, якія ўдзельнічалі ў аперацыі.

Гісторыя правіць

19 верасня 2002 года на поўначы Кот-д’Івуара ўспыхвае ўзброенае паўстанне. Касцяком мяцежнікаў стала групоўка «Новая сіла». Прэзідэнт краіны Ларан Гбагбо запытаў ваенную дапамогу ў Францыі. Ужо 22 верасня французскія войскі ўваходзяць у Кот-д’Івуар у рамках аперацыі «Аднарог». Замежнікі прыпынілі прасоўванне паўстанцаў, размясціўшыся ўздоўж лініі фронту паміж варагуючымі бакамі.

Праз год і шэсць месяцаў пасля пачатку ваеннага канфлікту СБ ААН прымае рэзалюцыі, у рамках якой у краіне павінна размясціцца міратворчая місія[1]. Першапачатковы перыяд аперацыі зацверджаны на дванаццаць месяцаў, але пасля мандат міратворцаў рэгулярна падаўжаўся. Афіцыйна аперацыя пачалася 4 красавіка 2004 года. Было адпраўлена 6240 супрацоўнікаў ААН, уключаючы 200 ваенных назіральнікаў і 320 паліцыянтаў[2][3].

Мандат аперацыі уключаў: назіранне за ўзброенымі групамі і спыненнем агню; праграму раззбраення, дэмабілізацыі, рэінтэграцыі, рэпатрыяцыі і рассялення; абарону персаналу Арганізацыі Аб’яднаных Нацый і грамадзянскага насельніцтва; падтрымку ажыццяўлення мірнага працэсу; прасоўванне правоў чалавека; выкарыстанне патэнцыялу грамадскай інфармацыі і падтрыманне правапарадку. Акрамя таго, міратворцам было дазволена выкарыстоўваць усе неабходныя сродкі для выканання свайго мандата.

АААНКІ завяршыла сваю дзейнасць 30 чэрвеня 2017 года[4][5].

Камандуючыя правіць

  • Абдулае Фол (Самалі): красавік 2004 г. — красавік 2006 г.
  • Фернанд Марсэль Амусу (Бенін): красавік 2006 г. — сакавік 2010 г.
  • Абдул Хафіз (Бангладэш): красавік 2010 г. — сакавік 2011 г.
  • Гнакудэ Берэна (Тога): сакавік 2011 г. — май 2012 г.
  • Мухамад Ікбал Асі (Пакістан): май 2012 г. — 19 мая 2014 г.
  • Хафіз Масура Ахмед (Пакістан): 19 мая 2014 г. — 30 чэрвеня 2015 г.[6]
  • Дыд’е Л’От (Францыя): 1 ліпеня 2015 г. — 30 чэрвеня 2017 г.[7]

Кантынгент правіць

На канец дзейнасці ў аперацыі было задзейнічана 5437 вайскоўцаў, 195 ваенных назіральнікаў і 1500 паліцыянтаў, а таксама грамадзянскі персанал[8][9][10]. Станам на 20 кастрычніка 2011 года кантынгент АААНКІ уключаў[10]:

Страты правіць

На 31 сакавіка 2017 года АААНКІ страціла 140 чалавек загінулымі[11]. Самым кровапралітным перыядам для міратворцаў стаў кастрычнік 2011-га, калі загінула 53 члены місіі[12].

Злоўжыванні правіць

У ходзе Другой Івуарыйскай вайны 2010—2011 гадоў войскі місіі ў адкрытую выступілі на баку сіл Аласана Уатара супраць прыхільнікаў Ларана Гбагбо. 5 красавіка 2011 г. расійскі міністр замежных спраў Сяргей Лаўроў заявіў, што Расія хоча атрымаць тлумачэнні, чаму міратворцы ААН у Кот д’Івуары ўступілі ў баявыя дзеянні ў гэтай краіне. Як заявіў дыпламат, яны спрабавалі разабрацца ў прававым баку справы, таму што міратворцы мелі мандат, які абавязваў іх быць нейтральнымі і бесстароннімі[13].

Гл. таксама правіць

Зноскі

  1. ↑ "Security Council establishes peacekeeping operation in Côte d'Ivoire". 27 February 2004.
  2. ↑ Dolgopol, Ustinia; Gardam, Judith Gail (2006). Martinus Nijhoff Publishers. ISBN 978-90-04-14599-3 https://archive.org/details/challengeconflic00dolg. {{cite book}}: Адсутнічае або пусты |title= (даведка); Невядомы параметр |заглавие= ігнараваны (даведка); Невядомы параметр |страницы= ігнараваны (даведка)
  3. ↑ "Security Council authorizes full peacekeeping operation in Côte d'Ivoire". 27 February 2004.
  4. ↑ "UN press releases". June 2017.
  5. ↑ U.N. wraps up 13-year peacekeeping mission in Ivory Coast. Africanews (30 чэрвеня 2017).
  6. ↑ Secretary-General Appoints Major General Hafiz Masroor Ahmed of Pakistan. United Nations (19 мая 2014). Праверана 26 May 2014.
  7. ↑ Secretary-General Appoints Major General Didier L'Hôte of France Force Commander for United Nations Operation in Côte d'Ivoire. United Nations (8 чэрвеня 2015). Праверана 22 November 2016.
  8. ↑ AFP, « Côte d'Ivoire : L'ONU va poursuivre la réduction de sa mission », Soirinfo, no 6379,‎ 14 janvier 2016, p. 6
  9. ↑ http://www.un.org/fr/peacekeeping/missions/onuci/facts.html
  10. ↑ а б Site de l'UdM sur les opérations de paix Архівавана 22 верасня 2011.
  11. ↑ www.un.org. UN. Праверана 15 May 2017.
  12. ↑ En Côte d’Ivoire, neuf casques bleus tués lors d’accidents de la circulation en une semaine
  13. ↑ Россия возмущается участием миротворцев и французов в боях в Кот-д'Ивуаре и требует объяснений от ООН

Спасылкі правіць

Узята з "https://be.wikipedia.org/w/index.php?title=Аперацыя_ААН_у_Кот-д’Івуары&oldid=4633416"