Асака малакветкавая

Асака малакветкавая (Carex pauciflora) — травяністая расліна сямейства асаковых.

Асака малакветкавая
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Аднадольныя Парадак:  Метлюжкакветныя Сямейства:  Асаковыя Падсямейства:  Cyperoideae Трыба:  Асаковыя Род:  Асака Від:  Асака малакветкавая
Міжнародная навуковая назва
Carex pauciflora Lightf., 1777
Сістэматыка на Віківідах Выявы на Вікісховішчы ITIS   39743 NCBI   140843 EOL   1123717 IPNI   301464 TPL   kew-229568

Апісанне

Шматгадовая бледна-зялёная травяністая расліна з доўгім тонкім паўзучым карэнішчам. Сцёблы вышынёй 5-40 см, прамыя, трохгранныя. Лісце вузкае, жалабатае, карацейшае за сцябло. Суквецце складаецца з верхавінкавага каласка, які нясе на верхавінцы 1-3 тычынкавых, ніжэй 2-5 песцікавых кветак. Размнажэнне насеннае і вегетатыўнае.

Пашырэнне

Барэальны цыркумпалярны рэліктавы від. Пашырэнне: Скандынавія, Сярэдняя, Атлантычная, Паўночная і Усходняя Еўропа, поўдзень Сібіры, Далёкі Усход і горы Сярэдняй Азіі, Японія, Карэя, Паўночная Амерыка. Знаходзіцца ў Беларусі ў асобных лакалітэтах на крайняй паўднёвай мяжы пашырэння. Расце на вярховых балотах і ў забалочаных хваёвых хмызнячкова-падвейна-сфагнавых лясах.

Літаратура

• Чырвоная кніга Рэспублікі Беларусь: Рэдкія і тыя, што знаходзяцца пад пагрозай знікнення віды жывёл і раслін. — Мн.: БелЭн, 1993. ISBN 5-85700-095-5

Гэты від занесены ў Чырвоную кнігу Беларусі і ахоўваецца законам. III катэгорыя (VU)