Барбара Картленд

Барбара Картленд (9 ліпеня 1901, Бірмінгем, Англія — 21 мая 2000, Хатфілд, Хартфардшыр, Англія) — англійская пісьменніца, адзін з найбольш плённых аўтараў XX стагоддзя. Стала знакамітай дзякуючы сваім шматлікім любоўным раманам; таксама друкавалася пад імем Барбара Мак-Каркадэйл.

Барбара Картленд
англ.: Mary Barbara Hamilton Cartland
Асабістыя звесткі
Імя пры нараджэнні Мэры Барбара Гамільтан Картленд
Псеўданімы Барбара Картленд,
Барбара Мак-Каркадэйл
Дата нараджэння 9 ліпеня 1901(1901-07-09)[1][2][…]
Месца нараджэння
Дата смерці 21 мая 2000(2000-05-21)[1][2][…] (98 гадоў)
Месца смерці
Пахаванне
Грамадзянства Сцяг Вялікабрытаніі Вялікабрытанія
Бацька James Bertram Falkner Cartland[d][5][6]
Маці Mary Hamilton Scobell[d][5][6]
Муж Alexander McCorquodale[d] і Hugh McCorquodale[d]
Дзеці Raine Spencer, Countess Spencer[d], Ian Hamilton McCorquodale[d] і Glen McCorquodale[d]
Альма-матар
Прафесійная дзейнасць
Род дзейнасці раманіст, лётчыца, пісьменніца, палітык
Гады творчасці 19162000
Жанр любоўны раман
Мова твораў англійская
Грамадская дзейнасць
Партыя
Узнагароды
Dame Commander of the Order of the British Empire
barbaracartland.com (англ.)
Лагатып Вікісховішча Медыяфайлы на Вікісховішчы

Біяграфія правіць

У 1927 году выйшла замуж за афіцэра Х'ю Мак-Каркадэйла і ў іх нарадзілася дачка Рэйн. У 1936 годзе пасля скандальнага разводу Барбара выйшла за яго кузена Х'ю (пам. 1963) і стала маці яшчэ двух сыноў — Глена і Іана.

У 1990 годзе была ўзведзена ў ранг Дамы-камандора Ордэна Брытанскай імперыі. Дачка Картленд ад першага шлюбу стала мачахай прынцэсы Дыяны. Вядома, што сама Дыяна захаплялася раманамі Барбары Картленд, але адносіны з пісьменніцай ў яе былі нацягнутымі, і Картленд не ўхваляла асабістае жыццё Дыяны.[8]

Творчасць правіць

Барбара Картленд ўваходзіць у лік самых перакладаемых пісьменнікаў, паводле базы дадзеных ЮНЕСКА, знаходзіцца на 7-м месцы па колькасці ўлічаных ЮНЕСКА перакладных выданняў,[9][10] аўтар 723 кніг.

Картленд належыць рэкорд, занесены ў кнігу Гінеса: за 1983 год яна выпусціла 26 раманаў.[11] З яе кніг 657 — любоўныя раманы, выдадзеныя ва ўсім свеце накладам каля мільярда асобнікаў.ref name=autogenerated1 /> Пасля смерці ў архіве пісьменніцы засталося яшчэ больш за сто раманаў, і новыя кнігі Барбары Картленд працягваюць выходзіць па гэты дзень.

Творы Барбары Картленд неаднаразова экранізаваны. Першы раман «Піла, якая танцуе джыгу» быў апублікаваны ў 1923 годзе. Сюжэт раманаў Картленд разгортваецца па адной і той жа схеме: юная дзяўчына ўлюбляецца ў мужчыну, часцей за ўсё арыстакрата (графа, герцага, прынца); розныя інтрыгі (любоўныя, палітычныя, шпіёнскія) перашкаджаюць злучэнню закаханых, але ў канцы ўсё заканчваецца вяселлем.

Барбару Картленд часта абвінавачвалі ў сентыментальнасці і неарыгінальнасці сюжэтаў і персанажаў. У 2011 годзе ў Вялікабрытаніі была апублікаваная перапіска аўтара любоўных раманаў і дэтэктываў Джорджэт Хэер, дзе тая абвінавачвае Картленд у прысваенні сюжэтаў і нават імёнаў герояў яе раманаў і «катастрафічным невуцтве» з нагоды адлюстроўванай гістарычнай эпохі.[12]

Зноскі

  1. а б Dame Barbara Cartland // Encyclopædia Britannica Праверана 9 кастрычніка 2017.
  2. а б Lundy D. R. Mary Barbara Hamilton Cartland // The Peerage Праверана 9 кастрычніка 2017.
  3. Oxford Dictionary of National Biography / C. MatthewOxford: OUP, 2004.
  4. Deutsche Nationalbibliothek Агульны нарматыўны кантроль — 2012—2016. Праверана 31 снежня 2014.
  5. а б Lundy D. R. The Peerage
  6. а б Kindred Britain
  7. Blain V., Grundy I., Clements P. The Feminist Companion to Literature in English: Women Writers from the Middle Ages to the Present — 1990. — P. 183.
  8. Жизнь и смерть по законам легенды — В мире МК
  9. Ленин входит в десятку самых «переводимых» писателей мира — ЮНЕСКО | РИА Дейта. RU Архівавана 25 чэрвеня 2012.
  10. Топ-50 авторов переводных изданий
  11. Ъ-Газета — Умерла писательница-рекордистка
  12. Georgette Heyer decries plagiarism with her rapier wit | Books | guardian.co.uk

Спасылкі правіць