Беларускі дзяржаўны медыцынскі ўніверсітэт

Беларускі дзяржаўны медыцынскі ўніверсітэт (БДМУ) — вядучая ВНУ Беларусі ў сферы медыцынскай адукацыі. Галоўным чынам размяшчаецца ў комплексе будынкаў па праспекце Дзяржынскага, 83 (1980, архітэктары Э. Гальдштэйн, Ю. Бічан).

Беларускі дзяржаўны медыцынскы ўніверсітэт
Будынак Беларускага дзяржаўнага медыцынскага ўніверсітэта з праспекта
Ранейшыя назвы	Беларускі медыцынскі інстытут (да сакавіка 1947 г.) Мінскі медыцынскы інстытут (да 2001 г.)
Дэвіз	лац.: Arte et humanitate, labore et scientia (Мастацтвам і чалавечнасцю, працай і веданнем)
Заснаваны	1930
Тып	Урадавы
Рэктар	Сяргей Пятровіч Рубніковіч
Студэнты	6513
Аспірантура	68
Размяшчэнне	Мінск
Кампус	Гарадскі
Узнагароды
Сайт	www.bsmu.by

Гісторыя

Як самастойная навучальная ўстанова (пад назвай «Беларускі медыцынскі інстытут»), заснаваная ў Мінску ў 1930 на базе вылучанага са складу БДУ медыцынскага факультэта (створаны пры заснаванні ўніверсітэта ў 1921). Падчас Вялікай Айчыннай вайны інстытут часова (у 1943—1944) працаваў у Яраслаўлі, даўшы пачатак Яраслаўскаму медыцынскаму інстытуту. У сакавіку 1947 года рашэннем Савета Міністраў СССР перайменаваны ў Мінскі медыцынскі інстытут. У 1971 годзе інстытуту быў прысвоены ганаровы ордэн Працоўнага Чырвонага Сцяга. У 2001 годзе інстытут быў перайменаваны ў Беларускі дзяржаўны медыцынскі ўніверсітэт.

2020–2021

Асноўны артыкул: Пратэсты ў Беларусі (2020—2021)

Пад час пратэстаў пасля прэзідэнцкіх выбараў 2020 года ў БДМУ адбыліся хваляванні. 26 кастрычніка на заклік Святланы Ціханоўскай частка студэнтаў далучылася да агульнанацыянальнай забастоўкі. На наступны дзень Аляксандр Лукашэнка запатрабаваў адлічваць усіх студэнтаў і звальняць выкладчыкаў, якія прымаюць удзел у несанкцыянаваных акцыях. 28 кастрычніка 15 студэнтаў (10 з лячэбнага і 2 з педыятрычнага факультэтаў) былі адлічаны з фармулёўкай «за парушэнне грамадскага парадку».

21 чэрвеня 2021 года рэктар Сяргей Рубніковіч быў унесены ў спіс беларускіх чыноўнікаў, якім забаронены ўезд на тэрыторыю ЕС. Паводле рашэння ЕС Рубніковіч «нясе адказнасць за рашэнне адміністрацыі ўніверсітэта адлічыць студэнтаў за ўдзел у мірных акцыях пратэсту», пастановы аб чым былі прыняты пасля закліку Лукашэнкі 27 кастрычніка 2020 года адлічаць студэнтаў універсітэтаў, якія ўдзельнічаюць у акцыях пратэсту і страйках, — рэпрэсіі супраць грамадзянскай супольнасці і падтрымку рэжыму Лукашэнкі.

Факультэты

Былы навучальны корпус Мінскага медыцынскага інстытута на Ленінградскай вуліцы (цяпер юрыдычны факультэт БДУ)

У складзе ўніверсітэта ў цяперашні час існуе 9 факультэтаў:

• Лячэбны
• Медыка-прафілактычны
• Педыятрычны
• Стаматалагічны
• Факультэт замежных навучэнцаў
• Фармацэўтычны
• Факультэт прафарыентацыі і даўніверсітэцкай падрыхтоўкі
• Факультэт падвышэння кваліфікацыіі перападрыхтоўкі кадраў
• Ваенна-медыцынскі інстытут

Рэктары

• 1930—1932 гады — Міхаіл Барысавіч Кроль.
• 1933—1934 гады — Міхаіл Ануфрыевіч Багдановіч.
• 1934—1937 гады — Кандрат Кандратавіч Манахаў.
• 1937—1941 гады — Файфель Якаўлевіч Шульц.
• 1943—1953 гады — Захар Кузьміч Магілеўчык.
• 1953—1961 гады — Іван Майсеевіч Стальмашонак.
• 1961—1986 гады — Аляксандр Аляксандравіч Ключароў.
• 1986—1997 гады — Аляксей Іванавіч Кубарка.
• 1997—2009 гады — Павел Іванавіч Беспальчук.
• 2009—2020 гады — Анатоль Віктаравіч Сікорскі.
• 2020- цяперашні час — Сяргей Пятровіч Рубніковіч.

Вядомыя выпускнікі і выкладчыкі

Асноўная катэгорыя: Выкладчыкі БДМУ

Асноўная катэгорыя: Выпускнікі БДМУ

Літаратура

• Мі́нскі медыцы́нскі інстытут // Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 493. — 800 с. — 5 000 экз. — ISBN 985-11-0026-9.
• Беларуская энцыклапедыя: У 18 т. Т. 10: Малайзія — Мугаджары / Рэдкал.: Г. П. Пашкоў і інш. — Мн. : БелЭн, 2000. — Т. 10. — С. 445. — 10 000 экз. — ISBN 985-11-0035-8. — ISBN 985-11-0169-9 (т. 10).

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх
• Афіцыйны сайт