Белая амфізбена (Amphisbaena alba) — від паўзуноў з сямейства Amphisbaenidae.
Сярэдняя даўжыня дасягае 60 см, максімальная даўжыня да 75 см. Зверху бліскучага жоўта-бурага, карычневага або чырвонага колеру. Па баках значна святлей, а знізу малочна-белага колеру[1]. Галава кароткая, моцная, шырокая, рыдлёўкападобная. Тулава выцягнутае, стройнае. Канечнасці цалкам адсутнічаюць.
Від распаўсюджаны ў Панаме, Калумбіі, Эквадоры, Венесуэле, Гвіяне, Гаяне, Сурынаме, на востраве Трынідад, у Перу, Балівіі, Парагваі, на ўсходзе Бразіліі.
Любіць трапічныя лясы і саваны. Селіцца ў мурашніках і тэрмітніках, знойдзеная ў гнёздах мурашак-лістарэзаў роду Atta. Харчуецца насякомымі і іх лічынкамі, членістаногіх[2].
Самка адкладае ў мурашніках і тэрмітніках 8-16 яек. Нованароджаныя дзіцяняты тут жа атрымліваюць ежу ў выглядзе лічынак і коканаў мурашак.
Зноскі
- ↑ P. E. Vanzolini: A new species of Amphisbaena from the state of Amazonas, Brasil (Reptilia, Amphisbaenia, Amphisbaenidae). In: Memórias do Instituto Oswaldo Cruz, 1989, Vol. 84, S. 527. (Online; PDF; 238 kB)
- ↑ Guarino R. Colli und Daria S. Zamboni: Ecology of the Worm-Lizard Amphisbaena alba in the Cerrado of Central Brazil. In: Copeia, Nr. 3, 1999. American Society of Ichthyologists and Herpetologists. S. 733—742, (PDF; 3,2 MB Архівавана 12 снежня 2004 года.).
- Eric R. Pianka, Laurie J. Vitt: Lizards: Windows to the Evolution of Diversity (Organisms and Environments). University of California Press (2003), ISBN 0-520-23401-4. S. 190—192.
