Брыльянтавая рука

«Брыльянтавая рука» (руск.: Бриллиантовая рука) — савецкая эксцэнтрычная камедыя, знятая ў 1968 годзе рэжысёрам Леанідам Гайдаем. Адзін з самых папулярных фільмаў у гісторыі савецкага кіно.

Брыльянтавая рука
Бриллиантовая рука
Жанр	буфанада[d], музычны фільм[d], прыгодніцкі фільм, кінакамедыя і меладрама
Рэжысёр	Леанід Гайдай
Сцэнарыст	Леанід Гайдай Якаў Аронавіч Касцюкоўскі[d] Марыс Раманавіч Слабадской[d]
У галоўных ролях	Юрый Уладзіміравіч Нікулін Анатоль Дзмітрыевіч Папанаў Андрэй Аляксандравіч Міронаў Ніна Паўлаўна Грабяшкова Нона Віктараўна Мардзюкова Леанід Канеўскі Святлана Апанасаўна Святлічная Мікалай Якаўлевіч Раманаў[d] Станіслаў Юльянавіч Чэкан[d] Уладзімір Леанідавіч Гуляеў[d] Яўгенія Канстанцінаўна Мельнікава[d] Андрэй Андрэевіч Файт[d] Леанід Гайдай Аляксандр Леапольдавіч Хвыля[d]
Аператар	Ігар Анатольевіч Чарных[d]
Кампазітар	Аляксандр Сяргеевіч Зацэпін
Кінакампанія	Масфільм
Працягласць	94 хв.
Краіна	СССР
Мова	руская
Год	1969
IMDb	ID 0062759
Медыяфайлы на Вікісховішчы

Сюжэт

У партовым горадзе Чарнаморску дзейнічае шайка жулікаў на чале з нейкім шэфам. Злачынцы кантрабандай увозяць з-за мяжы ў кіі каштоўныя манеты, а затым для легалізацыі і «адмывання» хаваюць іх у зямлі і праз нейкі час як знойдзены скарб здаюць дзяржаве, атрымліваюць вялікія сумы грошай, на частку грошай іх верхавод шэф купляе найноўшую на той час мадэль легкавога аўтамабіля «Масквіч-408».

Старшы эканаміст «Гіпрарыбы», узорны сем’янін і сумленны савецкі грамадзянін, які раней не быў за мяжой, Сямён Сямёнавіч Гарбункоў, адпраўляецца ў замежную турыстычную паездку на круізным лайнеры «Міхаіл Святлоў». Адначасова ў круіз, у адной каюце з Гарбунковым, едзе Генадзь Пятровіч (Геша) Казадоеў — член той самай банды кантрабандыстаў, адпраўлены за мяжу як перавозчык кантрабанды.

У ролях

• Юрый Нікулін — Сямён Сямёнавіч Гарбункоў
• Ніна Грабяшкова — Надзея Іванаўна, яго жонка
• Анатоль Папанаў — Лёлік, кантрабандыст
• Андрэй Міронаў — Генадзь Пятровіч Казадоеў, кантрабандыст
• Нона Мардзюкова — Варвара Сяргееўна Плюшч, домакіраўнік і суседка Гарбунковых
• Мікалай Раманаў — «Шэф», кіраўнік шайкі кантрабандыстаў
• Святлана Святлічная — Ганна Сяргееўна, фатальная прыгажуня
• Станіслаў Чэкан — Міхаіл Іванавіч, капітан (у канцы фільма — маёр) міліцыі
• Рыгор Шпігель — аптэкар з Фіш-стрыт у Стамбуле
• Леанід Канеўскі — памочнік аптэкара
• Уладзімір Гуляеў — Валодзя, лейтэнант міліцыі / двайнік Валодзі

Песні

Вонкавыя відэафайлы
	Остров невезения Геша пяе Сямёну Сямёнавічу «новы хіт».

«Остров невезения»

Іранічная песня «Остров невезения» («Востраў нешанцавання») стала папулярнай пасля выхаду фільма. Яе ў фільме спяваў Казадоеў падчас круізу, калі адпачываў на палубе. Песня тэматычная, бо прадвесціць нешанцаванне, якое Казадоеў адчувае на працягу ўсяго фільма. Песня запісана самім Міронавым.

«Песня про зайцев»

Метафарычная «Песня про зайцев» («Песня пра зайцоў») таксама стала папулярнай у канцы 1960-х гадоў. Апавядае пра групу персаніфікаваных зайцоў, якія збіраюць ноччу міфалагічную «трын-траву» і заяўляюць, што яны не баяцца ніякіх драпежнікаў, будзь то ваўкі, ці совы. Зайцы смела спяваюць прыпеў, які пачынаецца са слоў «А нам всё равно!» («А нам усё роўна!»). Песня спета ў фільме галоўным героем Сямёнам Гарбунковым пасля вялікай дозы гарэлкі ў рэстаране. Пазней сцэна была нават выяўлена на паштовай марцы, прысвечанай акцёру Юрыю Нікуліну. Запісана самім Нікуліным.

«Помоги мне»

Трэцяй папулярнай песняй з фільма была «Помоги мне» («Памажы мне») у выкананні Аіды Вядзішчавай, спявачкі савецкай эпохі, найбольш вядомай сваімі песнямі да фільмаў 1960-х гадоў. Парадыйная песня ў стылі танга пра каханне гучыць на заднім плане падчас сцэны, калі фатальная жанчына, нанятая паслугачамі шэфа, спрабуе спакусіць Гарбункова і напаіць яго наркотыкамі.

Спасылкі

• Брыльянтавая рука на сайце «Internet Movie Database» (англ.)