Будынак Мінгарвыканкама
Будынак Мінгарвыканкама (Выканаўчага камітэта Мінскага гарадскога Савета народных дэпутатаў) — адміністрацыйны будынак, размешчаны на плошчы Незалежнасці (праспект Незалежнасці, 8).
| Славутасць | |
| Будынак Мінгарвыканкама | |
|---|---|
 | |
| 53°53′43″ пн. ш. 27°32′57″ у. д.HGЯO | |
| Краіна |
 Беларусь |
| Горад | Мінск |
| Архітэктурны стыль | мадэрнізм |
| Архітэктар | Сяргей Сцяпанавіч Мусінскі, Георгій Васільевіч Сысоеў |
| Дата заснавання | 1964 |
| Будаўніцтва | 1963—1964 гады |
| Статус |
 Гісторыка-культурная каштоўнасць Беларусі, шыфр 713Г000158 |
 |
|
 Медыяфайлы на Вікісховішчы | |
У наш час праведзены капітальны рамонт з мадэрнізацыяй будынка (архітэктар І. А. Скарабагатая, галоўны канструктар Л. Дзенісеня)[1].
Архітэктура правіць
Пяціпавярховы прамавугольны ў плане будынак быў пабудаваны ў 1963—1964 гг. па праекце архітэктараў С. С. Мусінскага і Г. В. Сысоева. Фарміруе паўднёва-ўсходні бок забудовы плошчы. Лапаткі на ўсю вышыню будынка, тры цэнтральныя і па адной па баках, ствараюць мерны рытм на фасадзе. Плоскасці паміж лапаткамі акцэнтаваны рэбрамі, якімі адначасова вылучаны галоўны і бакавыя ўваходы. Вертыкальныя чляненні гарманізуюць з кампазіцыйным ладам Дома ўрада, інжынернага корпуса Мінскага метрапалітэна і галоўнага навучальнага корпуса БДУ.
Інтэр’ер правіць
Памяшканні размешчаны ўздоўж калідора, які адыходзіць у два бакі ад лесвічна-ліфтавога хола ў цэнтры. На чацвёртым паверсе двухсветлавая зала паседжанняў (450 кв. м) з фае-выстаўкай.
Зноскі
Літаратура правіць
- Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, [1984—1988].
Спасылкі правіць
- Будынак Выканаўчага камітэта Мінскага гарадскога Савета народных дэпутатаў (Мінгарвыканкам) Архівавана 4 кастрычніка 2013.
- Будынак Мінгарвыканкама на сайце «Архіварта»