Вазапісец Эрэтрыі

Вазапісец Эрэтрыі або эрэтрыйскі вазапісец — ананімны старажытнагрэчаскі атычны вазапісец, які працаваў у тэхніцы чырвонафігурнага вазапісу у апошняй чвэрці 5 ст. да нашай эры. Лічыцца сучаснікам вазапісца Шувалава і адным з самых цікавых мастакоў свайго часу.

Вазапісец Эрэтрыі
Род дзейнасці	вазапісец чырвонафігурнага стылю, атычны вазапісец, вазапісец па белым фоне
Дата нараджэння	V стагоддзе да н.э.
Дата смерці	V стагоддзе да н.э.
Грамадзянства	Старажытныя Афіны
Медыяфайлы на Вікісховішчы

Тонда чырвонафігурнага кіліка Вучань Мусей і настаўнік Лін у палестры, вазапісец Эрэтрыі

Большасць яго яркіх работ напісаны на айнахоях і лекіфах. Маляваныя сцэны ў асноўным ўключаюць значную колькасць фігур, якія рухаюцца групамі, даступных на ўсіх паверхнях вазы. Сярод яго работ вядомыя вазы ў форме жывёл або чалавечых фігур, а таксама канфары ў форме чалавечых галоў. Падобна формам ваз, незвычайнымі былі і героі вазапісных сцэн: у прыватнасці, атлеты, сатыры, менады і міфалагічныя сцэны. У працах вазапісца Эрэтрыі адчуваецца дбайнае вывучэнне жаночай фігуры.

Сярод работ вазапісца Эрэтрыі вядомыя вазы з роспісам па белым фоне, на адной з іх намаляваны Ахілес, які аплаквае Патрокла. Стыль вазапісца Эрэтрыі значна паўплываў на тэхніку больш позніх вазапісцаў, напрыклад, на Мідыя і яго школу.

Спасылкі

• John D. Beazley. Attic Red Figure Vase Painters (2nd edition). Oxford: Clarendon Press, 1963.
• Adrienne Lezzi-Hafter. Der Eretria-Maler. Werke und Weggefährten, Mainz, 1988 г. ISBN 3-8053-0963-5.
• John Boardman. Rotfigurige Vasen aus Athen. Die klassische Zeit, Philipp von Zabern, Mainz, 1991 (Kulturgeschichte der Antiken Welt, Vol 48), especially p. 102, ISBN 3-8053-1262-8.