Васіль Васілевіч Пашкевіч
Васіль Васілевіч Пашке́віч (29 снежня 1856 (10 студзеня 1857), в. Сямёнавічы Ігуменскага павета Мінскай губерні — 14 ліпеня 1939) — расійскі і савецкі вучоны ў галіне пладаводства. Доктар біялагічных і сельскагаспадарчых навук (1934). Заслужаны дзеяч навукі РСФСР (1934). Акадэмік УАСГНІЛ (1935).
Васіль Васілевіч Пашкевіч | |
---|---|
Дата нараджэння | 29 снежня 1856 (10 студзеня 1857) |
Месца нараджэння | |
Дата смерці | 14 ліпеня 1939[1] (82 гады) |
Месца смерці | |
Месца пахавання | |
Грамадзянства | |
Род дзейнасці | батанік |
Навуковая сфера | батаніка |
Месца працы | |
Навуковая ступень | доктар навук |
Навуковае званне | |
Альма-матар | |
Узнагароды | |
Творы ў Вікікрыніцах | |
Медыяфайлы на Вікісховішчы |
Біяграфія правіць
Нарадзіўся ў сям’і праваслаўнага святара Васіля Пашкевіча. Потым бацька служыў у Гаруцішках, дзе і прайшло дзяцінства Васіля. Скончыў Мінскую духоўную семінарыю, але адмовіўся ад духоўнай кар’еры. Паступіў на аддзяленне прыродазнаўчых навук фізіка-матэматычнага факультэта Санкт-Пецярбугскага ўніверсітэта, які скончыў у 1882 годзе. Атрымаў адукацыю па біялагічнай спецыяльнасці, ужо студэнтам збіраў матэрыял беларускай флоры, магістарская дысертацыя «Очерк флоры цветковых растений Минской губернии» была адной з першых падобных навуковых прац датычна гэтай тэрыторыі. Потым таксама не губляў цікаўнасці да мясцовай флоры, зрабіў значны ўклад у яе навуковае апісанне. У 1880-я гады стажыраваўся ў Германіі, Аўстрыі, Швейцарыі, Францыі, быў галоўным садоўнікам імператарскіх паркаў — спачатку працягам некалькіх гадоў кіраваў развіццём дэндрапарку «Сафіеўка» ва Умані Кіеўскай губерні[2], потым у Санкт-Пецярбургу. З 1894 года працаваў у Дэпартаменце земляробства Міністэрства земляробства і дзяржаўных маёмасцей. Калі стала пытанне, дзе атрымаць участак для жыцця і навуковай дзейнасці, В. В. Пашкевіч выбраў Гаруцішкі. Сядзіба пабудавана ў 1894 годзе за 200 м ад царквы, дзе служыў бацька. В. В. Пашкевіч лічыў яе «навуковай станцыяй», але мела і алею, абсаджаны сядзібны двор, да цяперашняга часу захавалася фрагментарна.
З 1922 года прафесар Петраградскага сельскагаспадарчага інстытута. Адначасова працаваў у Сельскагаспадарчым камітэце (пазней пераўтвораным ва Усесаюзны інстытут прыкладной батанікі і новых культур і ў 1930 годзе ва Усесаюзны інстытут раслінаводства)[2].
Навуковая дзейнасць правіць
В. В. Пашкевіч займаўся вывучэннем сартоў, даследаваннямі біялогіі цвіцення і пладанашэння пладовых культур. У 1926—1931 гг. пад яго кіраўніцтвам была сабрана і сістэмізавана вялікая колькасць мясцовых сартоў пладовых культур на тэрыторыі Беларусі. Сярод апублікаванага:
- Орех лесной и его культура. — М., 1894;
- Культура лекарственных растений. — СПб., 1894;
- Плодоводство и огородничество в Минской губернии.
- Общая помология или учение о сортах плодовых деревьев. — Л.; М., 1930.
- Избранные сочинения по плодоводству. — М., 1959.
і інш.
Зноскі
- ↑ Пашкевич Василий Васильевич // Большая советская энциклопедия: [в 30 т.] / под ред. А. М. Прохоров — 3-е изд. — М.: Советская энциклопедия, 1969. Праверана 28 верасня 2015.
- ↑ а б Имя на карте города Узды // Сайт ДУА «Узденская раённая гімназія»(недаступная спасылка) (руск.)
Літаратура правіць
- Энцыклапедыя прыроды Беларусі. У 5-і т. Т. 4. Недалька — Стаўраліт / Рэдкал.: І. П. Шамякін (гал. рэд.) і інш.. — Мн.: БелСЭ, 1985. — Т. 4. — С. 156. — 599 с. — 10 000 экз.
- Пашкевіч Васіль Васілевіч // Беларуская энцыклапедыя: У 18 т. Т. 11: Мугір — Паліклініка / Рэдкал.: Г. П. Пашкоў і інш. — Мн. : БелЭн, 2000. — Т. 11. — С. 247. — 10 000 экз. — ISBN 985-11-0035-8. — ISBN 985-11-0188-5 (т. 11).
Спасылкі правіць
- На Вікісховішчы ёсць медыяфайлы па тэме Васіль Васілевіч Пашкевіч
- Имя на карте города Узды // Сайт ДУА «Узденская раённая гімназія»(недаступная спасылка) (руск.)
- Витковский, В. Л. Василий Васильевич Пашкевич / В. Л. Витковский // Соратники Николая Ивановича Вавилова : исследователи генофонда растений = Nikolay Ivanovich Vavilov’s associates : researchers of plant gene pool / Всерос. научно-исслед. ин-т растениеводства им. Н. И. Вавилова; редкол.: В. А. Драгавцев (отв. ред.) [и др.]. — СПб. : ВИР, 1994. — С. 426—433 : фот. — Библиогр.: с. 433. // Научная сельскохозяйственная библиотека // Федеральный исследовательский центр Всероссийский институт генетических ресурсов растений имени Н. И. Вавилова (руск.)
- Тетерев, Ф. К. Список важнейших трудов акад. В. В. Пашкевича / Ф. К. Тетерев (канд. биол. наук) // Вестн. социалистического растениеводства / ВАСХНИЛ, Ин-т растениеводства. — М. ; Л. : Сельхозгиз, Ленингр. отд-ние, 1940. — № 1. — С. 17—19.(недаступная спасылка) (руск.)