Вах
Вах (руск.: Вах) — рака ў Азіяцкай частцы Расіі, у Ханты-Мансійскай аўтаномнай акрузе, правы прыток ракі Об.
| Вах | |
|---|---|
| руск. Вах | |
 | |
| Характарыстыка | |
| Даўжыня | 964 км |
| Басейн | 76 700 км² |
| Расход вады | 665 м³/с (у вусці) |
| Вадацёк | |
| Выток | |
| • Месцазнаходжанне | Верхне-Сымскае балота[1] |
| • Вышыня | 170[1] м |
| • Каардынаты | 61°18′10,79″ пн. ш. 85°41′20,76″ у. д.HGЯO |
| Вусце | Об |
| • Месцазнаходжанне | за 1730 км ад вусця Обі[2] |
| • Каардынаты | 60°48′55,80″ пн. ш. 76°47′17,52″ у. д.HGЯO |
| Размяшчэнне | |
| Водная сістэма | Об |
| Краіна | |
| Рэгіён | Ханты-Мансійская аўтаномная акруга — Югра |
| Код у ДВР | 13011000112115200036930 |
   |
|
 выток вусце |
|
|
— выток, — вусце |
|
Даўжыня ракі 964 км. Плошча вадазбору 76 700 км². Сярэдні расход вады ў вусці 665 м³/с. Сярэдні аб’ём сцёку 20,988[1] км³/год. Выток ракі знаходзіцца ў Верхне-Сымскім балоце на Вах-Кецкім узвышшы на вышыні 170 м[1]. Працякае ў напрамку з усходу на захад па Заходне-Сібірскай раўніне (па Сярэднеобскай і Вахскай нізінам). Упадае ў Об за 1730[2] км ад яе вусця. Агульнае падзенне ракі складае 135[1] м. Даліна ракі трапецападобная. Шырыня даліны ад 0,5 (у вярхоўі) да 8—10 км. Схілы даліны маюць вышыню 10—15 (месцамі да 40)[1] м. Пойма Ваха двухбаковая, са шматлікімі старычнымі азёрамі і звілістымі пратокамі. Жыўленне ракі пераважна снегавое[1]. Рэчышча звілістае, шырынёй ад 10—15 да 600 м.
Рака мае 405 прытокаў даўжынёй больш за 10 км[1]. Асноўныя прытокі: Кулынігол, Сабун, Калек’ёган (правыя), Мёгтыг’ёган (левы). Рака суднаходная на адлегласці 432[2] км ад вусця. На рацэ знаходзяцца горад Ізлучынск, пасёлкі Вахск, Лар’як.
У 2014 годзе адкрыты новы мост праз раку, частка Паўночнай шыротнай магістралі[3].
Зноскі
- ↑ а б в г д е ё ж Сурков В. В. Вах // Научно-популярная энциклопедия «Вода России» (руск.)
- ↑ а б в Река Вах // Государственный водный реестр РФ (руск.)
- ↑ Единый официальный сайт государственных органов Ханты-Мансийского автономного округа — Югры(недаступная спасылка) (руск.)
Літаратура правіць
- Географический энциклопедический словарь: Географические названия / Гл. ред А. Ф. Трёшников; Ред. кол.: Э. Б. Алаев, П. М. Алампиев, А. Г. Воронов и др.. — М.: Сов. энциклопедия, 1983. — С. 82. — 538 с. — 100 000 экз. (руск.)
Спасылкі правіць
- Река Вах // Государственный водный реестр РФ (руск.)
- Сурков В. В. Вах // Научно-популярная энциклопедия «Вода России» (руск.)
- Тайна реки Вах // Государственная библиотека Югры(недаступная спасылка) (руск.)