Выбух ва УФСБ Архангельска
Выбух у будынку рэгіянальнага ўпраўлення ФСБ па Архангельскай вобласці — тэрарыстычны акт, які адбыўся 31 кастрычніка 2018 года ў будынку рэгіянальнага ўпраўлення ФСБ у Архангельску. Леварадыкальны тэрарыст і анарха-камуніст Міхаіл Васілевіч Жлабіцкі здзейсніў самападрыў на ўваходзе ў будынак, у выніку ён загінуў і параніў траіх супрацоўнікаў ФСБ.
| Выбух ва УФСБ Архангельска | |
|---|---|
| Месца нападу |
Архангельск |
| Мэта нападу | пратэст супраць катаванняў і фабрыкацыі спраў ФСБ |
| Дата |
31 кастрычніка 2018 |
| Спосаб нападу | выбух |
| Зброя | самаробная бомба |
| Загінулыя | 1 |
| Параненыя | 3 |
| Колькасць тэрарыстаў | 1 |
| Тэрарысты | Міхаіл Васільевіч Жлабіцкі |
| Арганізатары | Міхаіл Васільевіч Жлабіцкі |
Сутнасць здарэння правіць
31 кастрычніка 2018 года ў 8:52 па мясцовым часе Жлабіцкі ўвайшоў у будынак упраўлення ФСБ у Архангельску, выняў з пакета самаробнае выбуховае прыстасаванне, якое выбухнула ў яго руках[1]. У выніку выбуху загінуў сам нападнік і пацярпелі яшчэ трое супрацоўнікаў ФСБ РФ. На фатаграфіях з месца выбуху бачна, што хол будынка атрымаў значныя пашкоджанні — са сцен была сарвана абшыўка[2].
Следства правіць
Следчыя органы распачалі крымінальную справу па артыкуле 205 УК РФ («Тэрарыстычны акт») і частцы 1 артыкула 222 УК РФ («Незаконнае захоўванне, нашэнне, набыванне выбуховых рэчываў»)[3].
Расследаваннем займаецца цэнтральны апарат Следчага камітэта РФ, аб выбуху праінфармаваны прэзідэнт Расіі Уладзімір Пуцін[4].
2 лістапада 2018 года ў Маскве затрымалі 14-гадовага падлетка-васьмікласніка па падазрэнню ў вырабе бомбы, якую ён па афіцыйнай інфармацыі збіраўся ўзарваць на «Рускім маршы» у мікрараёне Любліна 4 лістапада 2018 года. Па словах прадстаўнікоў праваахоўных органаў, у кватэры школьніка знайшлі выбуховае прыстасаванне і кампаненты для яго вырабу. Telegram-канал «Силовики» напісаў, што менавіта яму зрабіў апошні званок падазраваны у тэракце ў Архангельску. Была распачата крымінальная справа па 2 артыкулах: 222.1 УК РФ («Незаконнае набыванне і захоўванне выбуховых рэчываў») і 223.1 УК РФ («Незаконны выраб выбуховых прыстасаванняў»), з максімальным пакараннем да 12 гадоў пазбаўлення волі[5][6][7]. Па словах родзічаў маладога чалавека, сілавікі прынялі за выбуховае прыстасаванне «дзіцячую бомбачку», гэта значыць петарду, якімі часта песцяцца падлеткі[8].
Асоба нападніка правіць
«BBC World Service» са спасылкай на мясцовыя крыніцы называе імя нападніка — Міхаіл Васільевіч Жлабіцкі, 17-гадовы навучэнец Архангельскага політэхнічнага тэхнікума (раней ГПТУ № 25)[9][10]. Губернатар Арлоў сцвярджаў, што Жлабіцкі пражываў у пасёлку Лахта Катунінскага сельскага паселішча Прыморскага раёна Архангельскай вобласці[11]. У сваім пасланні перад тэрактам у чаце «Речи Бунтовщика» у «Telegram», размешчаным у 8:45 пад нікнэймам «Валяр’ян Паноў», ён узяў на сябе адказнасць за тэракт, пазначыўшы, што «прычыны для вас цалкам зразумелыя», адзначыўшы, што ФСБ «фабрыкуе справы і катуе людзей»[1]. Прыхільнік ідэалогіі анарха-камунізму[12]. У сацыяльнай сетцы «ВКонтакте» пад псеўданімам «Сяргей Нячаеў» (у гонар рускага нігіліста і рэвалюцыянера XIX стагоддзя)[4].
Рэакцыя на здарэнне правіць
Губернатар вобласці Ігар Арлоў 1 лістапада абвінаваціў у тым, што адбылося, апазіцыю. Апазіцыйны палітык Аляксей Навальны ў часе прамой трансляцыі на сваім ютуб-канале адказаў губернатару, што той сам вінен у здарэнні, і парэкамендаваў яму «паправіць дарогі, зрабіць вадаправод у XXI стагоддзі»[13].
Журналіст Уладзімір Салаўёў абвінаваціў у здарэнні Д. Гудкова, Е. Вінакураву і А. Плюшчава, звязаўшы тэракт у Архангельску з мінулай 28 кастрычніка акцыяй «За вашых і нашых дзяцей» у падтрымку фігурантаў спраў «Новага вялічча» і «Сеткі» («Пензенская справа») каля будынка ФСБ у Маскве[14][15].
Вячаслаў Мальцаў на сваім ютуб-канале шматкратна выказаў шкадаванне на конт гібелі 17-гадовага тэрарыста.
Глеб Паўлоўскі у эфіры «Эхо Москвы» сказаў: «Калі ФСБ зробіць памылку і ператворыць гэтую падзею ў пачатак барацьбы з тымі, хто іх ненавідзіць, то яны апынуцца ў небяспечным становішчы, таму што стануць прывабнай мішэнню для маладых людзей, якія з вельмі простым светапоглядам»[16].
Дырэктар ФСБ Аляксандр Бортнікаў у сувязі з выбухам у будынку УФСБ па Архангельскай вобласці і нападам на УФСБ па Хабараўскім краі 21 красавіка 2017 года выразіў занепакоенасць пераходам моладзі да сілавых акцый супраць улады[17].
Крымінальныя справы, звязаныя з тэрактам па артыкуле 205.2 правіць
У лютым 2019 года Следчым упраўленнем СКР па Пскоўскай вобласці была ўзбуджана крымінальная справа па артыкуле 205.2 ч. 2 УК РФ (публічнае апраўданне тэрарызму) у дачыненні да пскоўскай журналісткі Святланы Пракоп’евай. 7 лістапада 2018 года ў эфір радыёстанцыі «Эхо Москвы в Пскове» выйшаў выпуск аўтарскай перадачы Святланы Пракоп’евай «Минутка просветления» пад назвай «Репрессии для государства» аб тым, што ў Расіі няма ўмоў для палітычнага актывізму. У перадачы прагучаў тэкст, «які ўсведамляў» учынак Міхаіла Жлабіцкага. «Эхо Москвы в Пскове» і інтэрнэт-партал «Псковская лента новостей», якія ўваходзяць у склад медыяхолдынга «Гражданская пресса», атрымалі папярэджанні Раскамнагляда і прадпісанне выдаліць размешчаныя матэрыялы (у аўдыё- і тэкставым фармаце) Пракоп’евай, а таксама былі аштрафаваны на 150 тысяч і 200 тысяч рублёў адпаведна за злоўжыванне свабодай слова («вытворчасць альбо выпуск прадукцыі, якая змяшчае публічныя заклікі да тэрарыстычнай дзейнасці ці матэрыялы, якія апраўдваюць тэрарызм»)[18][19][20][21][22].
Праз некалькі месяцаў у Выцегры, што на паўночным захадзе Валагодскай вобласці, была ўзбуджана крымінальная справа на лідара мясцовай ячэйкі КПРФ Надзею Уладзіміраўну Рамасенка. У цяперашні час яна чакае суда. Раней яна неаднаразова паведамляла аб пагрозах з боку сілавікоў.
22 сакавіка 2019 года двое анархістаў, праязджаючы на матацыкле каля будынка консульскага аддзела пасольства Расіі ў Афінах, кінулі ў будку аховы гранату. Пры выбуху ніхто не загінуў. У сваёй заяве анархісты адзначаюць, што акцыя стала адказам на ваенныя злачынствы, здзейсненыя расійскім рэжымам, і помстай за згубу Жлабіцкага. Згаданы таксама рэпрэсіі ўлад супраць іншых расійскіх анархістаў[23].
Заўвагі правіць
- ↑ а б https://meduza.io/feature/2018/10/31/terakt-v-zdanii-fsb-v-arhangelske-glavnoe
- ↑ "Теракт в здании ФСБ в Архангельске. Главное — Meduza". Meduza [руская]. Праверана 2018-11-03.
- ↑ Следственный комитет признал терактом взрыв в УФСБ в Архангельске Архівавана 1 лістапада 2018.
- ↑ а б «Взрыв в здании ФСБ в Архангельске. Что известно о человеке с бомбой», BBC, 31.10.2018
- ↑ "В Москве по подозрению в изготовлении бомбы задержали подростка. Он общался с террористом из Архангельска — Meduza". Meduza [руская]. Праверана 2018-11-03.
- ↑ "В Москве задержали подростка по подозрению в изготовлении бомбы. С ним связывался устроивший взрыв в ФСБ". Праверана 2018-11-02.
- ↑ "На московского подростка, знакомого с террористом из Архангельска, возбудили уголовное дело по двум статьям — Meduza". Meduza [руская]. Праверана 2018-11-03.
- ↑ Правоохранители приняли «детскую бомбочку» за серьёзную угрозу — tv360
- ↑ «Russia Arkhangelsk blast: Teen blows himself up at FSB office», BBC, 31.10.2018
- ↑ Взрыв в здании ФСБ в Архангельске. Что известно о человеке с бомбой, Русская служба BBC, 31.10.2018.
- ↑ Губернатор Архангельской области заявил, что подозреваемый в совершении взрыва в здании ФСБ действовал в одиночку(недаступная спасылка). Архівавана з першакрыніцы 31 кастрычніка 2018. Праверана 4 красавіка 2020.
- ↑ Анархист взорвался на входе. В здании УФСБ по Архангельской области совершен теракт
- ↑ Навальный LIVE. Навальный о теракте в архангельском ФСБ (2 лістапада 2018). Праверана 4 лістапада 2018.
- ↑ "Соловьев посчитал журналистов причастными к взрыву здания ФСБ в Архангельске". Праверана 2018-11-02.
- ↑ Пропагандист Соловьёв назвал Плющева, Винокурову и Гудкова ответственными за взрыв в Архангельске Архівавана 28 снежня 2019.
- ↑ Глеб Павловский: Архангельский теракт может стать для ФСБ тревожным звоночком. 31 октября 2018
- ↑ Директор ФСБ обеспокоен переходом молодёжи к силовым акциям против власти, 8 ноября 2018
- ↑ За подозреваемую в оправдании терроризма журналистку из Пскова вступились коллеги - Россия 24 на YouTube
- ↑ Статья Светланы Прокопьевой. Репрессии для государства
- ↑ «Акценты» Донецкого: Дело Прокопьевой, казус Торбич и «крутые» маршруты «Псковпассажиравтотранса»
- ↑ «Не рыпайтесь, быстро к стене!»: уголовное дело против псковской журналистки
- ↑ Возбуждение дела против ведущей «Эха Москвы в Пскове» признали законным
- ↑ Греческие анархисты посвятили взрыв у консульства России Жлобицкому // Грани.ру, 19.04.2019
Спасылкі правіць