Выдавецкі дом «Звязда»

Выдавецкі дом «Звязда» — рэдакцыйна-выдавецкая ўстанова (РВУ).

Выдавецкі дом «Звязда»
Выява лагатыпа
Краіна
Заснавана 2012
Адрас 220034, Мінск, вуліца Захарава, д. 19
Дырэктар Алесь Мікалаевіч Карлюкевіч
Узнагароды
Ганаровая грамата Урада Расійскай Федэрацыі
Вэб-сайт zviazda.by/be
Лагатып Вікісховішча Медыяфайлы на Вікісховішчы

Гісторыя правіць

Створана ў лістападзе 2012 годзе. У склад РВУ уваходзяць літаратурна-мастацкія і грамадска-палітычныя часопісы «Полымя», «Маладосць», «Нёман», альманах «Вожык», газета «Літаратура і мастацтва»), выдавецкі аддзел, які ажыццяўляе выпуск кніг (раней уваходзілі ў склад рэдакцыйна-выдавецкай установы «Літаратура і мастацтва»), а таксама газета «Звязда».

Першым кіраўніком установы быў Алесь Карлюкевіч (з лістапада 2012 года — выканаўца абавязкаў, са снежня 2012 — дырэктар-галоўны рэдактар РВУ). Са снежня 2016 года пераемнікам Карлюкевіча прызначаны Павел Сухарукаў. У жніўні 2020 года дырэктарам зноў прызначаны Алесь Карлюкевіч.

Выдавецкая дзейнасць правіць

У 2022 годзе выдавецкі холдынг «Звязда» выдаў 1 067 найменняў кніг і брашур на беларускай мове агульным накладам 2,83 млн асобнікаў. З іх найбольш накладная вучэбная літаратура, якую лічаць у катэгорыі "сацыяльна значнай", апроч яе выйшла 972 найменні мастацкай літаратуры агульным накладам 1,13 млн асобнікаў, такім чынам, сярэдні наклад выдання на беларускай мове толькі 1,16 тысяч асобнікаў. Мастацкая літаратура на беларускай мове склала толькі 11,3 % агульнага выпуску кніжнай прадукцыі па найменнях (для дарослых — 6,7 %, для дзяцей — 4,7 %), па накладзе яшчэ меней — толькі 5,6 %. Для дзяцей і юнацтва ў 2022 годзе выдадзена 564 кнігі на ўсіх мовах, агульным накладам 1495,7 тысяч асобнікаў. З агульнай колькасці найменняў дзіцячай літаратуры на ўсіх мовах пазнавальная літаратура складае 29 %, літаратурна-мастацкія выданні — 71 %. Сярэдні тыраж аднаго выдання дзіцячай кнігі на ўсіх мовах склаў 2,7 тыс. асобнікаў.[крыніца?]

Спасылкі правіць