Вязель

Вя́зель (Coronilla) — род кветкавых раслін сямейства бабовых.

Вязель
Coronilla valentina. Агульны выгляд квітнеючай расліны
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Бабовакветныя Сямейства:  Бабовыя Падсямейства:  Матыльковыя Трыба:  Loteae Род:  Вязель
Міжнародная навуковая назва
Coronilla L.
Тыпавы від
Coronilla valentina
Сістэматыка на Віківідах Выявы на Вікісховішчы ITIS   26551 NCBI   53860 EOL   28026 GRIN   g:2944 IPNI   98354-3

Батанічнае апісанне

Адна- або шматгадовыя травяністыя расліны са шматлікімі галінастымі голымі ці валасістымі прамастойнымі, узыходнымі ці ляжачымі сцёбламі і карэнішчам, радзей паўкусты і кусты. Лісце няпарнаперыстаскладанае, чаргаванае з эліпсоіднымі лісцікамі і ланцэтнымі прылісткамі, рэдка простае або трайчастае. Кветкі дробныя, духмяныя, ружовыя, бела-ружовыя, бела-фіялетавыя або жоўтыя ў шарападобных парасоніках на доўгіх пазухавых ці верхавінкавых кветаносах. Плод — лінейны, прамы або сагнуты, дугападобны, рэдка смоўжападобна скручаны членісты струк.

Арэал

Выдзяляецца 55 відаў. Пашыраны ва ўмерана цёплых і субтрапічных рэгіёнах Еўропы, Азіі, Афрыкі, але пераважна ў краінах Міжземнамор’я і трапічнай Афрыкі. На Беларусі (пераважна ў паўднёвых раёнах) трапляецца вязель стракаты; расце на сухіх лугах, узлесках, каля дарог.

Віды

Паводле базы даных The Plant List, род уключае 10 відаў:

• Coronilla atlantica (Boiss. & Reut.) Boiss.
• Coronilla coronata L.
• Coronilla juncea L.
• Coronilla minima L.
• Coronilla ramosissima (Ball) Ball
• Coronilla repanda (Poir.) Guss.
• Coronilla scorpioides (L.) Koch
• Coronilla vaginalis Lam.
• Coronilla valentina L. typus
• Coronilla viminalis Salisb.

Значэнне і выкарыстанне

Лекавыя (мачагонны, слабіцельны, сардэчны і гіпатэнзіўны сродак), кармавыя, меданосныя, сідэратныя і дэкаратыўныя расліны. Асобныя віды — ядавітыя (маюць сардэчныя гліказіды каранізід і карашлін).

Літаратура

• Вязель // Беларуская энцыклапедыя: У 18 т. Т.4: Варанецкі — Гальфстрым / Рэдкал.: Г. П. Пашкоў і інш. — Мн.: БелЭн, 1997. — Т. 4. — 480 с. — 10 000 экз. — ISBN 985-11-0090-0.