Вялікі тэатр (Варшава)
«Вялікі тэатр — Нацыянальная опера» (польск.: Teatr Wielki – Opera Narodowa або Teatr Wielki w Warszawie, Вялікі тэатр у Варшаве) — нацыянальная тэатральна-оперны комплекс, размешчаны на гістарычнай Тэатральнай плошчы ў цэнтры Варшавы (Польшча). У Вялікім тэатры базуецца Польскі нацыянальны балет. З’яўляецца адной з найбуйнейшых тэатральных пляцовак у свеце, колькасць месцаў у якой перавышае 2 тысячы[1].
| Вялікі тэатр | |
|---|---|
 | |
| Заснаваны | 1833 |
| Будынак тэатра | |
| Месцазнаходжанне | |
| Дырэктар | Вальдэмар Дамброўскі |
| Сайт | www.teatrwielki.pl |
|
 |
|
 Медыяфайлы на Вікісховішчы | |
Тэатр быў урачыста адкрыты 24 лютага 1833 года пастаноўкай «Севільскі цырульнік» аўтарства Джаакіна Расіні. Акрамя таго, пад кіраўніцтвам Станіслава Манюшкі побач быў пабудаваны драўляны Летні тэатр на 1065 месцаў у Саксонскім садзе. Летнія спектаклі даваліся штогод з рэпертуараў Вялікага і Эстраднага тэатраў. Юзаф Шчублеўскі піша, што нават у той час, не зважаючы на тое, што Польшча не існавала як краіна і была падзелена паміж суседзямі, тэатр квітнеў, бо балет выклікаў захапленне замежных наведвальнікаў. У тэатры былі прадстаўлены оперы Уладзіслава Жаленскага, Ігнацы Яна Падарэўскага, Караля Шыманоўскага і іншых польскіх кампазітараў, а таксама балетныя пастаноўкі, выкананыя харэографамі Раманам Турчыновічам, Пётрам Зайлічам і Фелікс Парнелем. У той жа час у рэпертуары былі асноўныя сусветныя класічныя творы оперы і балету ў выкананні найбольш вядомых польскіх і замежных спевакоў і танцораў.
Арыгінальны будынак, пабудаваны ў 1825—1833 гадах, быў спраектаваны ў неакласічным стылі архітэктарамі Антоніа Караці і Крысціянам Пётрам Айгнерам. Пасля бамбардзіроўкі і амаль поўнага знішчэння будынка ў перыяд Другой сусветнай вайны ён быў адноўлены Багданам Пнеўскім і зноў адкрыты 19 лістапада 1965 года пасля перыяду пуставання на працягу больш за дваццаці гадоў. Тэатр мае дзве залы — вялікую на 1841 месца і малую — на 200 месцаў, у якой таксама праходзяць прадстаўленні. У залах тэатру ставяць оперы, балеты, праходзяць канцэрты і іншыя ўрачыстасці.
Зноскі
- ↑ «The Grand Theater in Warsaw: one of the largest theatres in Europe and one of the biggest stages in the world». Communications Unlimited.
Спасылкі правіць
На Вікісховішчы ёсць медыяфайлы па тэме Вялікі тэатр (Варшава)- Афіцыйны сайт Архівавана 23 снежня 2009.
