Віктар Сцяфанавіч Цітоў

Віктар Сцяфанавіч Цітоў (15 лістапада 1938, в. Дрожджаніцы, Крычаўскі раён, Магілёўская вобласць — 20 лістапада 2020) — беларускі этнограф, гісторык, педагог. Доктар гістарычных навук (1991), прафесар (1995).

Віктар Сцяфанавіч Цітоў
Дата нараджэння	15 лістапада 1938(1938-11-15)
Месца нараджэння	Дрожджаніцы[d], Крычаўскі раён, Магілёўская вобласць, БССР, СССР
Дата смерці	20 лістапада 2020(2020-11-20) (82 гады)
Род дзейнасці	этнограф, гісторык, педагог
Месца працы	Гродзенскі педагагічны інстытут імя Янкі Купалы Інстытут мастацтвазнаўства, этнаграфіі і фальклору імя Кандрата Крапівы НАН Беларусі Беларускі дзяржаўны ўніверсітэт культуры і мастацтваў БДПУ Уроцлаўскі ўніверсітэт Інстытут парламентарызму і прадпрымальніцтва
Навуковая ступень	доктар гістарычных навук
Альма-матар	МДУ імя А. А. Куляшова (1963)

Біяграфічныя звесткі

Скончыў Магілёўскі педагагічны інстытут (1963). 3 1963 настаўнічаў, працаваў у Міністэрстве асветы Беларусі. 3 1974 у Гродзенскім педагагічным інстытуце, з 1977 у Інстытуце мастацтвазнаўства, этнаграфіі і фальклору АН Беларусі. 3 1993 загадчык кафедры Беларускага ўніверсітэта культуры, з 1998 — Беларускага педагагічнага ўніверітэта, 2003—2009 прафесар Вроцлаўскага універсітэта (Польшча), 2011—2016 прафесар Інстытута парламентарызму і прадпрымальніцтва.

Навукова-даследчыцкая дзейнасць

Распрацаваў канцэпцыю гісторыка-этнаграфічнага раянавання Беларусі. Даследуе тыпалогію культурных ландшафтаў, гістарычныя стасункі Беларусі і сумежных тэрыторый, беларускую дыяспару, этнічную гісторыю і геаграфію Беларусі, традыцыйную народную культуру, гісторыю народнай адукацыі, праблемы нацыянальных узаемаадносін і інш. Адзін з аўтараў прац «Праблемы рассялення ў БССР» (1980), «Помнікі этнаграфіі» (1981), «Промыслы і рамёствы Беларусі» (1984), «Палессе: Матэрыяльная культура» (1988), «Грамадскі быт і культура сельскага насельніцтва Беларусі» (1993), «Адраджэнне традыцыйнай мастацкай культуры Палесся» (1994), «Беларусы» (т. 1, 1995), «Беларусы» (1998), «Традыцыйная мастацкая культура беларусаў» (т. 1—6, 2001—2014), «Гісторыя сялянства Беларусі» (т. 2, 2002). Навуковы рэдактар і сааўтар энцыклапедычнага даведніка «Народная культура Беларусі» (2002), зборніка «Народныя традыцыі і нацыянальная культура» (кн. 1—2, 2001— 03). Удзельнічаў у распрацоўцы навукова-метадычных прынцыпаў аховы помнікаў, арганізацыі музеяў-скансенаў (Беларускі дзяржаўны музей народнай архітэктуры і побыту, Нарачанскі нацыянальны парк і інш.), складанні «Нацыянальнага атласа Беларусі» (2002).

Выбраная бібліяграфія

• Народные деревообрабатывающие промыслы Белоруссии (1917—1941 гг.). Мн., 1976.
• Историко-этнографическое районирование материальной культуры белорусов, XIX — начало XX в. Мн., 1983.
• Народная спадчына: Матэрыяльная культура ў лакальна-тыпалагічнай разнастайнасці. Мн., 1994.
• Этнаграфічная спадчына: Беларусь: Традыцыйна-бытавая культура. 2-е выд. Мн., 2001.
• Этнаграфічная спадчына: Беларусь: Краіна і людзі. 2-е выд. Мн., 2001.
• Этнаграфія і літаратура (Разам з Цітовай Л. К.). Мн., 2004.
• Гісторыя айчыннай культуры: У 2 ч. Мн., 2009

Літаратура

• ЦІТОЎ Віктар Сцяфанавіч // Сучасныя беларускія даследчыкі гісторыі Вялікага Княства Літоўскага : біябібліяграфічны даведнік / С. П. Марозаў. — Гродна-Каўнас: ЮрСаПрынт, 2022. — 290 с. — ISBN 978-985-7257-57-7, 978-609-96340-1-2.
• Цітоў Віктар Сцяфанавіч // Беларуская энцыклапедыя: У 18 т. Т. 17: Хвінявічы — Шчытні / Рэдкал.: Г. П. Пашкоў і інш. — Мн. : БелЭн, 2003. — Т. 17. — 512 с. — 10 000 экз. — ISBN 985-11-0035-8. — ISBN 985-11-0279-2 (т. 17).
• Энцыклапедыя гісторыі Беларусі: У 6 т. т. 6, кн. 2 / Рэдкал.; Г. П. Пашкоў і інш. — Мн.: БелЭн, 2003 (с. 104—105).
• Zeszyty etnologii Wroclawskiej. — Wroclaw. 2006. NR 1 (8), s. 34 (V. S.Tsitov (Jawarowski).