Вітаўтас Сакалаўскас

Вітаўтас Сакалаўскас
Вітаўтас Сакалаўскас
	літ.: Vytautas Sakalauskas
	11 сакавіка — 17 сакавіка 1990
Папярэднік	пасада адноўлена
Пераемнік	Казіміра Прунскене
	10 сакавіка 1985 — 11 сакавіка 1990
Папярэднік	Рынгаўдас Сонгайла
Пераемнік	пасада скасавана
Нараджэнне	24 красавіка 1933; Коўна, Літва;
Смерць	29 мая 2001 (68 гадоў); Вільнюс, Вільнюскае гарадское самакіраванне, Вільнюскі павет, Літва;
Партыя	КПСС;
Адукацыя	Каўнаскі тэхналагічны ўніверсітэт;
Дзейнасць	палітык

Вітаўтас Сакалаўскас (літ.: Vytautas Sakalauskas; 24 красавіка 1933, Каўнас, Літва — 29 мая 2001, Вільнюс, Літва) — савецкі партыйны і дзяржаўны дзеяч, Старшыня Савета Міністраў Літоўскай ССР (1985—1990).

Біяграфія правіць

У 1957 годзе скончыў механічны факультэт, а ў 1964 годзе — факультэт прамысловасці і эканомікі Каўнаскага політэхнічнага інстытута.

З 1957 да 1963 года на Каўнаскім заводзе спецыяльных станкоў «Прыекалас» («Priekalas»): старшы майстар, начальнік участка, галоўны інжынер, дырэктар завода. З 1963 года быў намеснікам начальніка Упраўлення машынабудавання Савета народнай гаспадаркі Літоўскай ССР (СНГ ЛітССР). З 1965 года намеснік загадчыка, затым у 1967—1969 гадах загадчык прамыслова-транспартнага аддзела ЦК Камуністычнай партыі Літвы^[2].

З 1969 года старшыня Вільнюскага гарадскога выканаўчага камітэта, з 1974 года — першы сакратар Вільнюскага гаркама КП Літвы.

З 1983 года быў першым намеснікам Старшыні Савета Міністраў Літоўскай ССР. З 1984 года — інспектар ЦК КПСС.

З 18 лістапада 1985 да 11 сакавіка 1990 гадоў старшыня Савета Міністраў Літоўскай ССР. З 11 сакавіка да 17 сакавіка 1990 года часовы прэм’ер-міністр Літоўскай ССР.

У 1990—1992 гадах саветнік-пасланнік па эканамічных пытаннях пасольства СССР (з 1991 года Расійскай Федэрацыі) у Мазамбіку. З 1992 года працаваў на Балтыйскай біржы, у 1993—1997 гадах яе прэзідэнт^[3].

Член КПСС з 1960 года. З 1971 года член ЦК КП Літвы, а ў 1976—1984 i 1985—1990 гадах — член Бюро ЦК КП Літвы. Дэпутат Вярхоўнага Савета Літоўскай ССР (1967—1975 і 1986—1990) і Вярхоўнага Савета СССР (1974—1989). Кандыдат у члены ЦК КПСС у 1986—1990 гадах.

Узнагароды правіць

Зноскі

↑ https://rulers.org/indexs1.html
↑ Jonušys, J. Vytautas Sakalauskas / Julius Jonušys // Tarybų Lietuvos enciklopedija. [T.] 3. Masaitis-Simno / [moksline red. taryba J. Aničas et al.]. — Vilnius: Vyriausioji enciklopedijų redakcija, 1987. — 672 s., [2] s. tabl.: il. — S. 611.
↑ Mirė sovietmečio Lietuvos premjeras V.Sakalauskas (літ.). DELFI (31 мая 2001). Праверана 25 кастрычніка 2020.

[_31b7bcf3cd0d0a10-1] ttps://rulers.org/indexs1.html

[2] Jonušys, J. Vytautas Sakalauskas / Julius Jonušys // Tarybų Lietuvos enciklopedija. [T.] 3. Masaitis-Simno / [moksline red. taryba J. Aničas et al.]. — Vilnius: Vyriausioji enciklopedijų redakcija, 1987. — 672 s., [2] s. tabl.: il. — S. 611.

[3] Mirė sovietmečio Lietuvos premjeras V.Sakalauskas (літ.). DELFI (31 мая 2001). Праверана 25 кастрычніка 2020.

[1]

[2]

[3]