Ганс Гахман

Ганс Гахман (ням.: Hans Hachmann; 5 красавіка 1930—5 сакавіка 2004) — нямецкі селекцыянер рададэндранаў.

Ганс Гахман
ням.: Hans Hachmann
Дата нараджэння	5 красавіка 1930(1930-04-05)
Месца нараджэння	Бармштэт[d], Пінеберг[d], Шлезвіг-Гольштэйн, Германія
Дата смерці	5 сакавіка 2004(2004-03-05) (73 гады)
Месца смерці	Вестэрланд[d], Зільт[d], Паўночная Фрысландыя[d], Шлезвіг-Гольштэйн, Германія
Грамадзянства	Германія
Род дзейнасці	садавод
Навуковая сфера	Раслінаводства
Вядомы як	Нямецкі селекцыянер рададэндранаў
Узнагароды
Сайт	hachmann.de

Біяграфія

Ганс Гахман нарадзіўся 5 красавіка 1930 года ў горадзе Бармштэт. Яго бацька, Джон Гахман ў 1929 годзе заснаваў гадавальнік садовых раслін, які спецыялізаваўся на ружах, вечназяленых і глебапакроўных раслінах. Пасля вайны адным з асноўных напрамкаў стала развядзенне пладовых дрэў. Ганс Гахман далучыўся да фірмы ў 1950—1951 гадах ва ўзросце 21 года. З яго з'яўленнем гадавальнік паступова пачаў спецыялізавацца на створаных ім сартах рададэндранаў. Створаныя Гансам сарты з'явіліся ў продажы ў 1974—1975 гадах. Некалькімі гадамі пазней у садаводчых часопісах пачалі з'яўляцца артыкулы аб селекцыянеры. На працягу пяцідзесяці гадоў Гансам было створана больш за 400 новых сартоў. Ганс Гахман памер 5 сакавіка 2004 года, адпачываючы на востраве Зільт.

Гадавальнік Hachmannplatz у цяперашні час кіруецца яго сынам Хольгерам Гахманам разам з жонкай Эдыт, працягваючы займацца рададэндранамі. Адзін з яго ўласных сартоў у 2009 годзе быў названы ў гонар бацькі 'Hans Hachmann'.

Агульная плошча гадавальніка 27 акраў, з іх 16 акраў выкарыстоўваецца пад вырошчванне раслін адкрытага грунту. Рададэндраны і азаліі складаюць 65 % прадукцыі гадавальніка (звыш 200 тысяч раслін у год). Тыя, што засталіся 150 000 — вечназяленыя растеня і дэкаратыўныя кусты. Уся тэрыторыя аброшваецца з дапамогай аўтаматычнай сістэмы паліву. Метэастанцыя забяспечвае бесперапынны запіс тэмпературы і вільготнасці.

Некаторыя сарты, створаныя Гансам Гахманам

• 'Fantastica'
• 'Hachmann's Constanze'
• 'Hachmann's Ornament'
• 'Holstein'
• 'Gradito'
• 'Kokardia'
• 'Kalinka'
• 'Lamentosa'
• 'Nabukko'
• 'Rasputin'
• 'Schneekrone'
• 'Silberglanz'
• 'Silvetta'

Літаратура

• Stück G. Hans Hachmann - a life for Rhododendron // Rhododendron und Immergrüne Laubgehölze Jahrbuch. — 1990. — С. 7-84.
• Carl S. Hoveland Rhododendron Adventure in North Germany // Journal American Rhododendron Society. — 1985. — Т. 39. — № 1.
• Jon M. Valigorsky, M.D. Rhododendrons of North Germany: Hybridizer-Hans Hacahmann // Journal American Rhododendron Society. — 1985. — Т. 39. — № 2.