Гары Потэр: прыквел
Гары Потэр: прыквел — твор Джаан Роўлінг даўжынёй у 800 слоў, які быў напісаны ў 2008 годзе на паштоўцы спецыяльна для продажу на дабрачынным аўкцыёне пры падтрымцы сеткі кніжных крам Waterstone’s. Паштоўка з тэкстам была прададзена 11 ліпеня 2008 года за £25.000 ($48.855)[1][2]. Уладальнікам твора стаў Хіра Дыгпал (англ.: Hira Digpal), прэзідэнт інвестыцыйнай банкаўскай кансалтынгавай фірмы Red-33, якая знаходзіцца ў Токіа. Пасля аўкцыёна, ён сказаў, што быў гатовы заплаціць максімум £50.000 (у два разы болей)[3]. У той жа дзень тэкст твора быў апублікаваны у Інтэрнэце.
| Гары Потэр: прыквел | |
|---|---|
| Harry Potter prequel | |
| Аўтар | Дж. К. Роўлінг |
| Жанр | апавяданне |
| Мова арыгінала | англійская |
| Серыя | Гары Потэр |
| Выдавецтва | Waterstone’s |
| Выпуск | 2008 |
| Месца публікацыі | Вялікабрытанія |
| Старонак | 2 |
| Цыкл | серыя раманаў «Гары Потэр» |
| Наступная | The Tales of Beedle the Bard[d] |
Сюжэт правіць
Сірыўс Блэк і Джэймс Потэр, уцякаючы на матацыкле ад паліцэйскага аўтамабіля, які пераследваў іх, згортваюць у вузкі завулак паміж хатамі, у канцы якога — тупік. Аўтамабіль таксама заязджае ў гэты завулак і, такім чынам, падлеткі апыняюцца заціснутымі паміж сцяной і паліцэйскай машынай. Сяржант Фішэр і паліцыянт Андэрсэн вылазяць з машыны і прад’яўляюць марадзёрам абвінавачванне ў перавышэнні хуткасці, яздзе на матацыкле без шлема і супраціве арышту. Нечакана ў завулку з’яўляюцца тры постаці на мётлах, Сірыўс і Джэймс прамаўляюць нейкі заклён, які паднімае машыну на дыбы, а троіцу пакідае без свядомасці. У наступнае імгненне Сірыўс і Джэймс ляцяць на матацыкле, пакінуўшы здзіўленых паліцыянтаў.
Беларускія пераклады правіць
Існуе аматарскі пераклад на беларускую мову твора «Гары Потэр: прыквел» Андрэя Багача і Андрэя Філіпчыка, які быў апублікаваны ў электронным фармаце на сайце belpotter.by у 2008 годзе[4].
Зноскі
- ↑ Артыкул з сайта www.snitchseeker.com (англ.)
- ↑ Навіны BBC news (англ.)
- ↑ Bloomberg.com: Muse Arts (англ.)
- ↑ Гары Потэр на беларускай . belpotter.by. Праверана 3 ліпеня 2022.