Дзень украінскага добраахвотніка
Дзень украінскага добраахвотніка — свята ў гонар украінскіх добраахвотнікаў, якое адзначаецца ва Украіне 14 сакавіка. У гэты дзень 2014 года першыя 500 байцоў-добраахвотнікаў Самаабароны Майдана прыбылі на палігон Новыя Петраўцы для фармавання першага добраахвотніцкага батальёна.[1] Батальён на пачатку красавіка 2014 г. перадыслакаваўся на Дняпрапятроўшчыну і атрымаў назву «Дніпро-2» (камандзір — Алег «Мальфар» Караташ.[2]).
| Дзень украінскага добраахвотніка | |
|---|---|
| Афіцыйна | День українського добровольця |
| Устаноўлена | 17 студзеня 2017 г. |
| Адзначаецца | Украіна |
| Дата | 14 сакавіка |
Заснаванне правіць
Дзень устаноўлены 17 студзеня 2017 г. Вярхоўнай Радай Украіны з мэтай ушанавання мужнасці і гераізму абаронцаў незалежнасці, суверэнітэту і тэрытарыяльнай цэласнасці Украіны, садзейнічання далейшаму ўмацаванню патрыятычнага духу ў грамадстве, узмацнення грамадскай увагі і клопату да ўдзельнікаў добраахвотніцкіх фармаванняў і на падтрымку ініцыятывы грамадскасці.
За адпаведную пастанову № 4261 «Аб устанаўленні Дня ўкраінскага добраахвотніка»[3] на пленарным пасяджэнні ўкраінскага парламента[4] прагаласаваў 231 народны дэпутат.
Пастановай рэкамендавана Кабінету Міністраў Украіны распрацаваць з прыцягненнем грамадскасці, а таксама актыўных удзельнікаў добраахвотніцкіх фармаванняў, якія ўдзельнічалі ў Рэвалюцыі Годнасці (лістапад 2013 — люты 2014), і зацвердзіць у месячны тэрмін з дня прыняцця пастановы комплексны план мерапрыемстваў па святкаванні на дзяржаўным узроўні Дня ўкраінскага добраахвотніка. У прыватнасці прадугледжана правядзенне штогод мерапрыемстваў па ўшанаванні подзвігу ўкраінскіх добраахвотнікаў; правядзенне ў навучальных установах, воінскіх частках, установах культуры тэматычных мерапрыемстваў, гутарак аб масавых акцыях грамадзянскага пратэсту ва Украіне, якія адбываліся ў лістападзе 2013 — лютым 2014 года, і аб удзеле ў іх добраахвотнікаў.[5]
Першае святкаванне правіць
14 сакавіка 2017 г. па ўсёй Украіне прайшлі мерапрыемствы да Дня ўкраінскага добраахвотніка.
Зноскі
- ↑ "Українці 14 березня відзначатимуть День добровольця" [украінская]. Праверана 2018-03-10.
- ↑ Позивний Мольфар. Письменник на війні // «Українська правда. Життя», 6 лютого 2015 (укр.)
- ↑ Рада встановила 14 березня Днем українського добровольця // УНІАН. — 2017. — 17 січня. (укр.)
- ↑ Україна відзначатиме День українського добровольця // Інтерфакс-Україна. — 2017. — 17 січня. (укр.)
- ↑ Постанова Верховної Ради України «Про встановлення Дня українського добровольця» від 17.01.2017 № 1822-VIII (укр.)
Глядзіце таксама правіць
Спасылкі правіць
- Прийнято Постанову «Про встановлення Дня українського добровольця» // Інформаційне управління Апарату Верховної Ради України. — 2017. — 17 січня. (укр.)
- Рада прийняла постанову про встановлення Дня українського добровольця // День. — 2017. — 17 січня. (укр.)
- Постанова Верховної Ради України «Про встановлення Дня українського добровольця» від 17.01.2017 № 1822-VIII (укр.)