Вікіпедыя

Дзмітрый Аляксандравіч Зіновіч

беларускі футбаліст
У Вікіпедыі ёсць артыкулы пра іншых асоб з прозвішчам Зіновіч.

Дзмітрый Зіновіч (нар. 29 сакавіка 1995, Мінск) — беларускі футбаліст, абаронца расійскага клуба «Лада-Тальяці».

Футбол
Дзмітрый Зіновіч
Поўнае імя Дзмітрый Аляксандравіч Зіновіч
Нарадзіўся 29 сакавіка 1995(1995-03-29)[1] (29 гадоў)
Грамадзянства  Беларусь
Рост 196 см
Вага 94 кг[2]
Пазіцыя абаронца
Інфармацыя пра клуб
Клуб Расія Лада-Тальяці
Клубная кар’ера[* 1]
2012—2020 Беларусь Мінск 59 (2)
2016 →  Беларусь Дынама (Брэст) 9 (0)
2016 →  Беларусь Белшына (Бабруйск) 11 (1)
2021 Беларусь Іслач (Мінскі раён) 15 (0)
2022 Беларусь Белшына (Бабруйск) 21 (2)
2023 Беларусь Дынама (Брэст) 16 (0)
2024— Расія Лада-Тальяці
Нацыянальная зборная[* 2]
2013 Беларусь Беларусь (да 19) 2 (0)
2014—2016 Беларусь Беларусь (да 21) 13 (0)
2017 Беларусь Беларусь B 2 (0)
  1. ↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 15 сакавіка 2024.
  2. ↑ Колькасць гульняў і галоў за нацыянальную зборную ў афіцыйных матчах, адкарэктавана станам на 10 снежня 2017

Клубная кар’ера правіць

З 2012 года выступаў за дубль футбольнага клуба «Мінск». У сезоне 2014 стаў часам прыцягвацца да асноўнага складу. Дэбютаваў у Вышэйшай лізе 6 ліпеня 2014 года, выйшаўшы на замену ў канцы матча з «Нафтанам» (4:0). У снежні 2014 года падоўжыў кантракт з «Мінскам»[3].

Сезон 2015 распачаў у дублі, а ў чэрвені замацаваўся ў стартавым складзе асноўнай каманды. Аднак, у ліпені атрымаў траўму, з-за якой выбыў да кастрычніка. Пасля аднаўлення ад траўмы вярнуў месца ў асноўным складзе.

У сакавіку 2016 года быў аддадзены ў арэнду брэсцкаму «Дынама»[4]. Пачынаў сезон асноўным абаронцам дынамаўцаў, але пазней страціў месца ў складзе. У ліпені 2016 года пакінуў «Дынама»[5] і неўзабаве далучыўся да «Белшыны»[6], якую не здолеў выратаваць ад вылету ў Першую лігу.

У студзені 2017 года вярнуўся ў «Мінск»[7]. Сезон 2017 пачаў у якасці аднаго з асноўным цэнтральных абаронцаў мінчан. У верасні 2017 года не гуляў з-за траўмы. У пачатку сезона 2018 хутка замацаваўся ў стартавым складзе, аднак у жніўні атрымаў траўму і выбыў да канца сезона. У чэрвені 2019 года вярнуўся ў строй, але з’яўляўся на полі рэдка, часцей заставаўся на лаўцы запасных, гуляў за дубль.

У студзені 2021 года па заканчэнні кантракта пакінуў «Мінск»[8]. Неўзабаве стаў трэніравацца «Іслаччу» і падпісаў кантракт з клубам[9]. Пачынаў сезон у стартавым складзе каманды, з ліпені да кастрычніка не з’яўляўся на полі, у лістападзе вярнуўся ў склад. У студзені 2022 года па заканчэнні кантракта пакінуў «Іслач»[10].

У лютым 2022 года стаў трэніравацца з бабруйскай «Белшынай» і ў выніку падпісаў кантракт[11]. Замацаваўся ў стартавым складзе каманды, ў кастрычніку не гуляў з-за траўмы.

У студзені 2023 года стаў іграком брэсцкага «Дынама»[12]. Пакінуў клуб у студзені 2024 года[13]. Пасля праходзіў прагляд у наваполацкім «Нафтане», але беспаспяхова, і ў сакавіку 2024 года папоўніў склад «Лады-Тальяці»[14].

Міжнародная кар’ера правіць

Выступаў за юніёрскую зборную Беларусі (да 19). 17 лістапада 2014 года дэбютаваў у моладзевай зборнай Беларусі ў таварыскім матчы супраць Літвы. У студзені 2015 года прымаў удзел у Кубку Садружнасці ў Санкт-Пецярбургу, правёў 5 матчаў. У студзені 2016 года правёў 4 матчы на чарговым Кубку Садружнасці, пасля чаго больш не выклікаўся ў зборную.

У ліпені 2017 года выступаў за другую зборную Беларусі на Кубку Караля ў Тайландзе.

Статыстыка выступленняў правіць

Сезон Дывізіён Клуб Краіна Матчы Галы
2013 дубль Мінск   32 6
2014 Д1 Мінск   2 0
2015 Д1 Мінск   8 0
2016 (1) Д1 Дынама   9 0
2016 (2) Д1 Белшына   11 1
2017 Д1 Мінск   20 2
2018 Д1 Мінск   17 0
2019 Д1 Мінск   4 0
2020 Д1 Мінск   8 0
2021 Д1 Іслач   15 0
2022 Д1 Белшына   21 2
2023 Д1 Дынама   16 0

Крыніцы правіць

  1. ↑ Dmitri Zinovich // Transfermarkt — 2000. Праверана 9 кастрычніка 2017.
  2. ↑ а б http://fcbelshina.by/komanda/osnovnoy-sostav/52076-zinovich-d-a
  3. ↑ Зинович, Шумилов и Шевченко остаются в "Минске" (руск.). football.by (2 снежня 2014). Праверана 15 сакавіка 2024.
  4. ↑ "Минск" отдал Зиновича в аренду брестскому "Динамо" (руск.). football.by (29 сакавіка 2016). Праверана 15 сакавіка 2024.
  5. ↑ Дмитрий Зинович вернулся в "Минск" из аренды в брестском "Динамо" (руск.). football.by (20 ліпеня 2016). Праверана 15 сакавіка 2024.
  6. ↑ Тур 16. Попурри. “Земля будет гореть под ногами” (руск.)(недаступная спасылка). pressball.by (1 жніўня 2016). Архівавана з першакрыніцы 7 студзеня 2019.
  7. ↑ «Минск» провел первую тренировку (руск.)(недаступная спасылка). Афіцыйны сайт «Мінска» (16 студзеня 2017). Архівавана з першакрыніцы 19 студзеня 2017.
  8. ↑ Ряд игроков покинули «Минск» (руск.). Афіцыйны сайт «Мінска» (15 студзеня 2021). Праверана 15 сакавіка 2024.
  9. ↑ "Ислочь" подписала контракт с Дмитрием Зиновичем (руск.). football.by (25 студзеня 2021). Праверана 15 сакавіка 2024.
  10. ↑ Футбол. Дмитрий Зинович покинул "Ислочь" (руск.)(недаступная спасылка). pressball.by (10 студзеня 2022). Архівавана з першакрыніцы 15 студзеня 2022. Праверана 15 студзеня 2022.
  11. ↑ Дмитрий Зинович сменил "Ислочь" на "Белшину" (руск.). football.by (22 лютага 2022). Праверана 15 сакавіка 2024.
  12. ↑ Сидоренко, Концедайлов и Зинович заключили соглашения с брестским "Динамо" (руск.). football.by (13 студзеня 2023). Праверана 15 сакавіка 2024.
  13. ↑ Двое футболистов покинули брестское "Динамо" (руск.). football.by (8 студзеня 2024). Праверана 15 сакавіка 2024.
  14. ↑ Белорусский защитник сменил брестское "Динамо" на команду российского Д4 (руск.). football.by (14 сакавіка 2024). Праверана 15 сакавіка 2024.
Узята з "https://be.wikipedia.org/w/index.php?title=Дзмітрый_Аляксандравіч_Зіновіч&oldid=4694031"