Дзмітрый Мікітавіч Бегічаў

Дзмітрый Мікітавіч Бегічаў (28 верасня 1786 , с. Нікіцкае, Яфрэмаўскі павет, Тульская губерня — 24 лістапада 1855) — рускі дзяржаўны дзеяч, пісьменнік.

Дзмітрый Мікітавіч Бегічаў
Асабістыя звесткі
Дата нараджэння 17 (28) верасня 1786
Месца нараджэння
Дата смерці 12 (24) лістапада 1855 (69 гадоў)
Месца смерці
Грамадзянства
Бацька Q122417954?
Маці Q122417938?
Жонка Alexandra Vasilievna Begicheva (nee Davydova)[d]
Дзеці Q124325603?
Альма-матар
Прафесійная дзейнасць
Род дзейнасці палітык, пісьменнік
Гады творчасці з 1832
Мова твораў руская
Узнагароды
ордэн Святога Уладзіміра 4 ступені

Біяграфія правіць

Паходзіў з багатай дваранскай сям’і. У 1796—1802 гадах навучаўся ў Пажаскім корпусе, адкуль выйшаў у чыне карнета Аляксандрыйскага гусарскага палка. Амаль адразу пакінуў полк і перайшоў у Дзяржаўную калегію замежных спраў.

У 1804 годзе вяртаецца да ваеннай службы. У 1805 годзе удзельнічаў у аўстрыйскім паходзе, у бітве пад Аўстэрліцам. За мужнасць і рашучасць, праяўленыя ў баях руска-пруска-французскай вайны, узнагароджаны ордэнам Святога Уладзіміра IV ступені і прускім ордэнам «За заслугі».

З 1819 года у адстаўцы, жыў у Маскве. Спрабаваў свае сілы ў літаратуры, вывучаў філасофію, стаў тэатралам. Быў блізка знаёмы з В. К. Кюхельбекерам, У. Ф. Адоеўскім, А. С. Пушкіным, Д. В. Давыдавым.

У 1830—1836 гадах — губернатар Варонежскай губерні. Аказваў матэрыяльную і маральную падтрымку паэту А. В. Кальцову. У 1836 годзе — обер-пракурор Сената, з 1840 годзе — сенатар. Пад яго кіраўніцтвам у 1834 годзе быў складзены праект помніка Пятру І у Варонежы. Адзін з арганізатараў барацьбы з эпідэміяй халеры ў Варонежскай губернi (1830—1831). Матэрыяльна дапамагаў маскоўскаму Дому працавітасці — жаночай навучальнай ўстанове для бедных дзяўчат. Узнагароджаны ордэнам Белага арла (1843).

У Брэст-Літоўску Дзмітрый Бегічаў пачаў пісаць раман «Семейство Холмских. Некоторые черты нравов и образа жизни, семейной и одинокой, русских дворян», у якім сатырычна адлюстраваў жыццё дваранства. У творы персанажы насілі імёны герояў грыбаедаўскай камедыі «Горе от ума» (1825). Раман быў выдадзены ананімна ў 1832 г., пазней двойчы перавыдаваўся.

Таксама напісаў літаратурныя творы: «Ольга. Быт русских дворян в начале нынешнего столетия» (1840), «Провинциальные сцены» (1840), «Последствия услуги, оказанной кстати и вовремя» (1842), «Записки губернского чиновника» (1845), «Храм Гименея» і інш. Аўтар зборніка «Быт русского дворянства в разных эпохах и обстоятельствах его жизни» (1851). Крытыка ацэньвала сачыненні Д. М. Бегічава вельмі нізка, але крытык В. Р. Бялінскі адзначаў, што раман «Семейство Холмских» меў поспех у чытачоў.

Зноскі

Літаратура правіць

  • Бегичев Дмитрий Никитич // Большая Российская энциклопедия. Москва, 2005. Т. 3. С. 155.
  • Дзмітрый Мікітавіч Бегічаў // Памяць. Брэст : гіст.-дакум. хроніка : у 2 кн. Мінск, 1997. Кн. 1. С. 164—165.
  • Бегичев Дмитрий Никитич / М. В. Строганов // Русские писатели : биобиблиографический словарь. Москва, 1990. Т. 1.
  • Бегичев Дмитрий Никитич / В. П. Мещеряков // Русские писатели, 1800—1917 : биографический словарь. Москва, 1989. Т. 1.
  • Строганов, М. В. Об одной реминисценции из Пушкина в романе Д. Н. Бегичева «Семейство Холмских» / М. В. Строганов // Вопросы биографии и творчества А. С. Пушкина. Калинин, 1979. С. 73-77.
  • Акутин, Ю. Автор «Семейства Холмских» / Ю. Акутин // Альманах библиофила. Москва, 1978. Вып. 5. С. 139—157.
  • Китина, Л. Д. Д. Н. Бегичев (1786—1854) / Л. Д. Китина // Очерки литературной жизни Воронежского края, Х̏IХ — начало ХХ в. Воронеж, 1970. С. 74-85.
  • Аляксандр Сяргеевіч Грыбаедаў // Памяць. Брэст : гіст.-дакум. Хроніка : у 2 кн. Мінск, 1997. Кн. 1. С. 166.