Дом-музей Рэмбранта (нідэрл.: Museum Het Rembrandthuis) — мастацкі музей на вуліцы Ёдэнбрэестраат (Jodenbreestraat) у Яўрэйскім квартале Амстэрдама. Музей адкрыўся ў 1911 годзе ў доме, які Рэмбрант набыў на піку славы ў 1639 годзе і ў якім пражываў да свайго банкруцтва ў 1656 годзе.

Дом-музей Рембранта ў Амстэрдаме

Калекцыя правіць

У музеі адноўлена гістарычная абстаноўка часоў Рэмбранта: кухня, жылыя пакоі і майстэрня мастака. Крыніцай для экспазіцыі музея стаў вопіс, складзены натарыусам пры продажы ўсёй маёмасці мастака з аўкцыёну. У інтэр’еры дома-музея прадстаўлены карціны сучаснікаў Рэмбранта, яго вучняў, і яго настаўніка Пітэра Ластмана.

Экспазіцыя музея ўяўляе сабой найбольш поўны збор графічных работ Рэмбранта. Тут знаходзяцца 260 з 290 афортаў мастака. Акрамя таго, у музеі можна азнаёміцца ​​з тэхнікай афорта.

Акрамя асноўнай экспазіцыі ў музеі праходзяць часовыя выставы.

Літаратура правіць

  • F. Tissink: Museum het Rembrandthuis Amsterdam. Ludion, 2007. ISBN 90-76588-29-5
  • Eva Ornstein-Van Slooten, Marijke Holtrop, Jaap Van Der Veen (Hrsg.): The Rembrandt House: A Catalogue of Rembrandt Etchings. Waanders, 2005. ISBN 90-400-8851-9

Спасылкі правіць