Жазэ Фантана
Жазэ́ ды Аншые́та Фанта́на[1] (парт.: José de Anchieta Fontana; 31 снежня 1940 — 9 верасня 1980) — бразільскі футбаліст, абаронца. Чэмпіён свету 1970 у складзе нацыянальнай зборнай Бразіліі.
Агульная інфармацыя | |||||||||||||
---|---|---|---|---|---|---|---|---|---|---|---|---|---|
Поўнае імя | Жазэ ды Аншыета Фантана | ||||||||||||
Мянушка | Фантана | ||||||||||||
Нарадзіўся |
31 снежня 1940 |
||||||||||||
Памёр |
9 верасня 1980 (39 гадоў) |
||||||||||||
Грамадзянства | Бразілія | ||||||||||||
Рост | 180 см | ||||||||||||
Вага | 69 кг | ||||||||||||
Пазіцыя | Абаронца | ||||||||||||
Клубная кар’ера[* 1] | |||||||||||||
|
|||||||||||||
Нацыянальная зборная[* 2] | |||||||||||||
|
|||||||||||||
Узнагароды і медалі | |||||||||||||
|
|||||||||||||
Біяграфія правіць
Пачынаў кар’еру ў клубах роднага штата «Віторыя» і «Рыу-Бранку», дзе двойчы станавіўся пераможцам Лігі Капішаба.
У 1962 годзе перайшоў у склад аднаго з найлепшых клубаў Бразіліі, «Васка да Гама», дзе стаў адным з лідараў у абароне разам з Брыту. У «Васка» Жазэ Фантана двойчы выйграваў Кубак Гуанабара, а таксама стаў пераможцам Турніру Рыа-Сан-Паўлу ў 1966 годзе. 8 чэрвеня 1966 года дэбютаваў у зборнай Бразіліі ў матчы супраць Перу (3:1).
У 1969 годзе Фантана перайшоў у «Крузейру», будучы іграком якога быў выкліканы ў склад зборнай Бразіліі на чэмпіянат свету 1970 года. На тым мундыялі ён адыграў адзін матч групавога турніру супраць Румыніі і ў выніку стаў чэмпіёнам свету. Усяго за зборную Бразіліі правёў 7 афіцыйных матчаў і 4 гульні, якія не ўвайшлі ў рэестр ФІФА.
Скончыў кар’еру футбаліста ў 1972 годзе, у другі раз выйграўшы з «Крузейру» Лігу Мінейру.
Праз 8 гадоў, падчас футбольнага матча з сябрамі, Фантана адчуў млоснасць і памёр ад сардэчнага прыступу ва ўзросце 39 гадоў.
Дасягненні правіць
- Чэмпіён свету 1970
- Пераможца Турніру Рыа-Сан-Паўлу (1): 1966
- Чэмпіён штата Мінайс-Жэрайс (2): 1969, 1972
- Чэмпіён штата Эспірыту-Санту (2): 1959, 1962
Зноскі
- ↑ Напісанне ў адпаведнасці з партугальска-беларускай практычнай транскрыпцыяй
Літаратура правіць
- Руднік В. Чэмпіёны свету па футболе 1930—2006. — Беласток:"Set-Print", 2006.