Жалезная заслона
«Жалезная заслона» — палітычнае клішэ, якое азначае інфармацыйны, палітычны і памежны бар’ер, збудаваны ў 1919—1920 гадах і які на працягу некалькіх дзесяцігоддзяў аддзяляў СССР і іншыя сацыялістычныя краіны ад капіталістычных краін Захаду.
На думку энцыклапедыі «Брытаніка» і іншых заходніх крыніц, «заслона» была ўзведзена СССР у рэчышчы палітыкі самаізаляцыі кіраўніцтва. На думку савецкіх крыніц, «заслона» была ўзведзена капіталістычнымі краінамі вакол СССР. За ўсе гады Савецкай улады змянялася толькі ступень яе непранікальнасці.
Канчаткова жалезная заслона пачала разбурацца да канца 1980-х гадоў з прычыны палітыкі галоснасці і адкрытасці, якая праводзілася ў СССР і ўсходнееўрапейскіх краінах (гл. Еўрапейскі пікнік). Сімвалам канчатковага падзення жалезнай заслоны было разбурэнне Берлінскай сцяны.
Спасылкі правіць
На Вікісховішчы ёсць медыяфайлы па тэме Жалезная заслона
