Жан Клуэ

Жан Клуэ Малодшы (Jean Clouet; 1485(?), вобл. Фландрыя — 1541) — французскі жывапісец-партрэтыст эпохі Адраджэння. Бацька Франсуа Клуэ.

Жан Клуэ
Дата нараджэння	каля 1480
Месца нараджэння	Брусель, Брусельскі сталічны рэгіён, Бельгія
Дата смерці	1541[…]
Месца смерці	Парыж, Каралеўства Францыя
Грамадзянства	Францыя
Дзеці	Франсуа Клуэ
Род дзейнасці	мастак, рысавальнік
Жанр	партрэт
Мастацкі кірунак	Французскі Рэнесанс[d]
Заступнікі	Францыск I
Медыяфайлы на Вікісховішчы

Біяграфічныя звесткі

Вучыўся ў свайго бацькі Жана Клуэ Старэйшага. Прыдворны мастак Францыска I (з 1516). У 1521—25 у г. Тур (Францыя), пазней у Парыжы.

Творчасць

Творы вызначаюцца мініяцюрнай дакладнасцю выканання, яркімі і чыстымі тонамі, характарнасцю вобразаў з некаторай аднастайнасцю ўрачыста застылых поз. Творы Жана Клуэ былі ў значнай ступені арыентаваны на нідэрландскія традыцыі, а таксама на дасягненні Ганса Гольбейна Малодшага. Гэта добра бачна ў партрэтах дафіна Францыска (каля 1519), герцага Клода Гіза (каля 1525), Шарлоты Французскай (каля 1520), але асабліва Францыска I (каля 1525). У выяве караля знайшло спалучэнне імкненне да аб'ектыўнай дакладнасці, характарнасці і пышнай дэкаратыўнасці, што дазволіла не толькі выразна паказаць мадэль, але і адлюстраваць эпоху. Мастаку таксама прыпісваюць аўтарства партрэтаў Людовіка Клеўскага, графа Неверскага (каля 1519), пані Канапель (каля 1523), Луі дэ Клеў (1530), Францыска I на кані (1540) і інш. Малюнкі строгія паводле графічнай манеры.

• 
  Партрэт дафіна Францыска
• 
  Партрэт Шарлоты Французскай
• 
  Партрэт Францыска I
• 
  Партрэт Маргарыты Наварскай

Літаратура

• Клуэ // Беларуская энцыклапедыя ў 18 т. Т. 8 / Рэдкал. Г.П.Пашкоў і нш. — Мн.: БелЭн, 1999. ISBN 985-11-0144-3
• Лазука Б. Гісторыя сусветнага мастацтва. Ад старажытных часоў па XVI стагоддзе / Б.А.Лазука. — Мн.: Беларусь, 2010. ISBN 978-985-01-0894-4