Загай

Зага́й (трансліт.: Zahaj, руск.: Загай) — вёска ў Пухавіцкім раёне Мінскай вобласці. Уваходзіць у склад Навасёлкаўскага сельсавета.

Вёска Загай Краіна Беларусь Вобласць Мінская Раён Пухавіцкі Сельсавет Навасёлкаўскі Каардынаты 53°30′19″ пн. ш. 28°03′59″ у. д. Насельніцтва ▲128 чал. (2019) Часавы пояс UTC+3 Тэлефонны код +375 1713 Паштовыя індэксы 222838 Аўтамабільны код 5 СААТА 6244843031 Загай на карце Беларусі ±

Назва

Пасяленне заснавана каля гаю (за гаем), таму і атрымала такую назву.

Геаграфія

Знаходзіцца за 5 км ад раённага цэнтра, за 5 км ад чыгуначнай станцыі Пухавічы на лініі Мінск-Асіповічы.

Гісторыя

Пад уладай Расійскай імперыі

У 19 - пач. 20 ст. у Навасёлкаўскай воласці Ігуменскім павеце Мінскай губерні, уластнасць Ашторпаў.

Найноўшы час

У Першую сусветную вайну ў лютым — снежні 1918 года была пад акупацыяй войскаў кайзераўскай Германіі.

25 сакавіка 1918 года згодна з Трэцяй Устаўной граматай вёска абвешчана часткай Беларускай Народнай Рэспублікі. З 1 студзеня 1919 года ў адпаведнасці з пастановай І з’езда КП(б) Беларусі вёска ўвайшла ў склад БССР.

У жніўні 1919 — ліпені 1920 вёска знаходзілася пад польскай уладай.

На пачатку 1930-ых гг. створаны калгас "Новый Загай". працавала кузня.

У часе Другой сусветнай вайны з канца чэрвеня 1941 г. да ліпеня 1944 г. акупіравана нямецкімі войскамі.

Насельніцтва

• 1897 — 54 двары, 321 жыхар.
• 1917 — 72 двары, 424 жыхары.
• 1 студзеня 2002 — 69 двароў, 149 жыхароў.

Літаратура

• Памяць : Пухавіцкі раён: гісторыка-дакументальныя хронікі гарадоў і раёнаў Беларусі / [укладальнік А. А.Прановіч; рэдкалегія: А. М. Карлюкевіч і інш.]. - Мінск : Беларусь, 2003. - 748 с. - 3000 экз. ISBN 985-01-0251-9

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх