Зарудаўеўскі сельсавет
Заруда́ўеўскі сельсавет — былая адміністрацыйна-тэрытарыяльная адзінка ў складзе Мастоўскага раёна Гродзенскай вобласці. Цэнтр — аграгарадок (да 2010 г. вёска) Зарудаўе.
| Зарудаўеўскі сельсавет | |
|---|---|
| Краіна |
 Беларусь |
| Уваходзіць у | Мастоўскі раён |
| Уключае | 10 населеных пунктаў |
| Адміністрацыйны цэнтр | Зарудаўе |
| Дата ўтварэння | 12 кастрычніка 1940 |
| Дата скасавання | 28 жніўня 2013 |
| Насельніцтва (2009) | 1 070 |
| Часавы пояс | UTC+03:00 |
| Код аўтам. нумароў | 4 |
Утвораны 12 кастрычніка 1940 года як Бялавіцкі сельсавет у складзе Мастоўскага раёна Баранавіцкай вобласці БССР. Цэнтр — вёска Бялавічы. З 20 верасня 1944 года ў складзе Гродзенскай вобласці. 16 ліпеня 1954 года ў склад сельсавета з Воўпаўскага сельсавета Ваўкавыскага раёна перададзены вёскі вёскі Дзенькаўцы, Кульшычы, Рыбакі і Старына, сельсавет перайменаваны ў Зарудаўеўскі (Заруддзеўскі), цэнтр перанесены ў вёску Зарудаўе[1]. З 25 снежня 1962 года па 6 студзеня 1965 года ў складзе Ваўкавыскага раёна. У 1978 годзе ў склад Мастоўскага сельсавета перададзена вёска Ляда[2]. 28 жніўня 2013 года скасаваны, тэрыторыя далучана да Мастоўскага сельсавета (вёскі Дзенькаўцы, Кульшычы, Ляда, Рыбакі) і Пескаўскага сельсавета (аграгарадок Зарудаўе, вёскі Агароднікі, Бялавічы, Дамянішкі, Міжава, Старына)[3].
Насельніцтва сельсавета паводле перапісу 2009 года складала 1070 чалавек[4], з іх 84,9 % — беларусы, 9,5 % — палякі, 4,5 % — рускія[5].
На момант скасавання ў склад сельсавета ўваходзілі 10 населеных пунктаў.
Зноскі
- ↑ Указ Президиума Верховного Совета Белорусской ССР от 16 июля 1954 г. Об объединении сельских советов Гродненской области // Сборник законов Белорусской ССР и указов Президиума Верховного Совета Белорусской ССР: 1938—1955 гг. — Мн.: Изд. Президиума Верхов. Совета БССР, 1956. — 347 с.
- ↑ Рашэнні выканкома Гродзенскага абласнога Савета дэпутатаў працоўных ад 27 сакавіка, 24 красавіка і 15 мая 1978 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1978, № 16 (1570).
- ↑ Решение Гродненского областного Совета депутатов от 28 августа 2013 г. № 252 О некоторых вопросах административно-территориального устройства Мостовского района Гродненской области
- ↑ Колькасць насельніцтва населеных пунктаў Беларусі паводле перапісу 2009 года Архівавана 2 кастрычніка 2019.
- ↑ Этнічны склад насельніцтва сельсаветаў Беларусі паводле перапісу 2009 года
Літаратура правіць
- Административно-территориальное устройство БССР: справочник: в 2 т. / Главное архивное управление при Совете Министров БССР, Институт философии и права Академии наук БССР. — Минск: «Беларусь», 1985―1987.
- Административно-территориальное устройство Республики Беларусь (1981—2010 гг.): справочник. — Минск: БелНИИДАД, 2012. — 172 с.