Зборная Швейцарыі па хакеі з шайбай
Збо́рная Швейцарыі па хаке́і — нацыянальная хакейная каманда Швейцарыі. У рэйтынгу ІІХФ за 2014 год знаходзіцца на 7 месцы[1]. Кіруючы орган — Швейцарскі хакейны саюз; галоўным трэнерам з'яўляецца канадскі спецыяліст Шон Сімпсан.
| Мянушкі | Eisgenossen (ням.: Лядовая дружына), Крыжакі | ||
| Федэрацыя | Швейцарскі хакейны саюз | ||
| Трэнер |  Шон Сімпсан
| ||
| Капітан | Маціяс Зегер (АГ-2014) | ||
| Больш усіх гульняў | Маціяс Зегер (280) | ||
| Бамбардзір | Ёрг Эберле (142) | ||
| Першая гульня Вялікабрытанія .svg){kind=small} 3:0  Швейцарыя(Шамані, Францыя; 23 студзеня 1909) | |||
| Самая буйная перамога Швейцарыя 23:0 .svg){kind=small} Югаславія(Цюрых, Швейцарыя; 4 лютага 1939) | |||
| Самае буйное паражэнне Канада .svg){kind=small} 33:0 Швейцарыя(Шамані, Францыя; 30 студзеня 1924) | |||
| |||
| Чэмпіянат свету | |||
| Удзел | 60 (Упершыню 1930) | ||
| Дасягненні | Срэбра (1935 і 2013) | ||
| Спартыўныя ўзнагароды | ||
|---|---|---|
| Зімовыя Алімпійскія гульні | ||
| Бронза | Санкт-Морыц 1928 | |
| Бронза | Санкт-Морыц 1948 | |
| Чэмпіянаты свету | ||
| Бронза | Швейцарыя 1928 | |
| Бронза | Францыя/Германія/Аўстрыя 1930 | |
| Срэбра | Швейцарыя 1935 | |
| Бронза | Вялікабрытанія 1937 | |
| Бронза | Швейцарыя 1939 | |
| Бронза | Швейцарыя 1948 | |
| Бронза | Вялікабрытанія 1950 | |
| Бронза | Францыя 1951 | |
| Бронза | Швейцарыя 1953 | |
| Срэбра | Швецыя/Фінляндыя 2013 | |
| Чэмпіянаты Еўропы | ||
| Бронза | Швейцарыя 1922 | |
| Бронза | Італія 1924 | |
| Бронза | Чэхаславакія 1925 | |
| Золата | Швейцарыя 1926 | |
| Бронза | Германія 1932 | |
Сучасны швейцарскі хакей вядомы сваёй моцнай школай брамнікаў, цэлы шэраг галкіпераў нацыянальнай зборнай маюць досвед выступаў за клубы Нацыянальнай хакейнай лігі. Акрамя таго, запатрабаваныя ў НХЛ і палявыя ігракі швейцарскай зборнай.
Гісторыя правіць
Самых вялікіх поспехаў швейцарская зборная дамаглася ў перыяд паміж дзвюма сусветнымі войнамі, заваяваўшы золата на хатніх чэмпіянаце Еўропы 1926 года і срэбра на чэмпіянаце свету 1935 года, якія праходзілі ў Давосе. Пасля бронзавага медаля на чэмпіянаце свету 1953 года швейцарская каманда доўгі час не магла атрымаць медалі на чэмпіянатах свету і Алімпійскіх гульнях, у 1992 і 1998 гадах яна здолела займаць чацвёртае месца.
Сапраўдны прарыў каманда здзейсніла пад кіраўніцтвам канадскага спецыяліста Шона Сімпсана ў 2013 годзе, дзе раптам выйшла ў фінал чэмпіянату свету ў Фінляндыі і Швецыі, спачатку атрымаўшы перамогу ва ўсіх 7 матчаў у групе (адзін з іх — па булітах у зборнай Канады), затым у чвэрцьфінале абыграўшы зборную Чэхіі (2:1), а ў паўфінале — зборную ЗША (3:0). Ні ў адным з 9 матчаў да фіналу швейцарцы не прапусцілі больш за 2 шайбы.
У вырашальным матчы швейцарцы сустрэліся са зборнай Швецыі, якую ўжо абгульвалі на групавым этапе з лікам 3:2. Лік адкрыў швейцарац Раман Ёсі, аднак затым шведы закінулі пяць шайбаў запар і сталі чэмпіёнамі. Швейцарцы ж паўтарылі свой поспех 78-гадовай даўніны, калі ўпершыню здолелі выйграць срэбра чэмпіянату свету. Паводле вынікаў чэмпіянату Раман Ёсі быў прызнаны самым каштоўным гульцом турніру і лепшым абаронцам[2]. Ён жа разам з іншым абаронцам Жульенам Ваклерам ўвайшоў у сімвалічную зборную турніру[3].
Трэба адзначыць, што зборная па розных прычынах абышлася без некалькіх ігракоў НХЛ — брамніка Ёнаса Гілера, абаронцаў Марка Штрайта, Лукі Сбісы, Яніка Вебера, нападніка Дам'ена Брунера.
Зноскі
- ↑ 2014 Men’s World Ranking (англ.). International Ice hockey Federation. Праверана 14 сакавіка 2014.
- ↑ Як швейцарскія хакеісты вярнуліся на п'едэстал праз 60 гадоў. «Звязда»
- ↑ Швейцарец Роман Йоси признан самым ценным игроком чемпионата мира по хоккею. Итар-Тасс
Спасылкі правіць
На Вікісховішчы ёсць медыяфайлы па тэме Зборная Швейцарыі па хакеі з шайбай- Хакей у Швейцарыі (ням.)
