Здэнек Фібіх

Здэ́нек Фі́біх (чэшск.: Zdeněk Fibich; 21 снежня 1850, Вшэбаржыцы каля г. Чэслаў, каралеўства Багемія, Аўстрыйская імперыя — 15 кастрычніка 1900) — чэшскі кампазітар, піяніст , дырыжор і хармайстар; адзін са стваральнікаў нацыянальнай музычнай драмы.

Здэнек Фібіх
чэшск.: Zdeněk Fibich
Асноўная інфармацыя
Дата нараджэння	21 снежня 1850(1850-12-21)[…]
Месца нараджэння	Вшэбаржыцы[d], Каралеўства Багемія, Землі багемскай кароны, Аўстрыйская імперыя
Дата смерці	15 кастрычніка 1900(1900-10-15)[…] (49 гадоў)
Месца смерці	Нове-Места, Прага, Каралеўства Багемія, Цыслейтанія, Аўстра-Венгрыя
Месца пахавання	Вышаградскія могілкі
Краіна	Чэхія
Жонка	Беці Фібіхава[d]
Альма-матар	Лейпцыгская вышэйшая школа музыкі і тэатра
Музычная дзейнасць
Прафесіі	кампазітар, педагог, дырыжор, музыказнавец, драматург, хормайстар
Інструменты	арган
Жанры	опера, сімфонія і класічная музыка
Узнагароды	ганаровы грамадзянін Мараўске-Будзеёвіцаў[d] (5 верасня 1884)
Медыяфайлы на Вікісховішчы

Біяграфія

Вучыўся ў 1865—1866 гадах музычнай школе Б. Сметаны, у 1866—1867 гадах у Лейпцыгскай кансерваторыі і інш. З 1871 года ў Празе. У 1875 і 1877 гадах дырыжор і хармайстар «Часовага тэатра», у 1878—1881 гадах рэгент хору рускай праваслаўнай царквы, з 1899 года загадчык рэпертуарнай часткі ў опернай трупе Нацыянальнага тэатра. У 1873—1874 гадах выкладаў у Віленскім музычным вучылішчы Рускага музычнага таварыства.

Творчасць

Прадстаўнік чэшскага музычнага рамантызму. Свае драматычныя прынцыпы найбольш паслядоўна ўвасобіў у трылогіі сцэнічных меладрам «Іпадамія» (паст. 1890—1891). Сярод твораў: 7 опер, у т.л. «Бланік» (паст. 1881), «Шарка» (паст. 1897), меладрамы, сімфоніі, камерна-інструментальныя і фартэпіянныя п’есы, песні.

Літаратура

• Фібіх Здэнак // Беларуская энцыклапедыя: У 18 т. Т. 16: Трыпалі — Хвіліна / Рэдкал.: Г. П. Пашкоў і інш. — Мн. : БелЭн, 2003. — Т. 16. — 576 с. — 10 000 экз. — ISBN 985-11-0035-8. — ISBN 985-11-0263-6 (т. 16).

Спасылкі

• На Вікісховішчы ёсць медыяфайлы па тэме Здэнек Фібіх