Златавуст

Златавуст (руск.: Златоуст) — горад абласнога падпарадкавання ў Чалябінскай вобласці Расіі. Горад размешчаны на рацэ Ай (басейн Уфы), за 110 км на захад ад абласнога цэнтра г. Чалябінска (160 км па чыгуначнай лініі) і за 1750 км на ўсход ад Масквы (1941 км па чыгунцы). Праз горад праходзіць Паўднёва-Уральская чыгунка.

Горад Златавуст руск.: Златоуст Герб Сцяг Краіна Расія Каардынаты 55°10′00″ пн. ш. 59°40′00″ у. д. Кіраўнік Максім Пякарскі[d] Заснаваны 1754 Першая згадка 1751 Плошча 136,4 км² Вышыня цэнтра 125 м Насельніцтва ▲ 186 977 чалавек (2010) Часавы пояс UTC+5 Тэлефонны код 3513 Паштовы індэкс 456200 Афіцыйны сайт zlat-go.ru Златавуст на карце Расіі

Медыяфайлы на Вікісховішчы

Заснаваны ў 1754 годзе адначасова з жалезаробным заводам і названы ў гонар святога Іаана Залатавуста. У 1815 годзе тут была пабудавана зброевая фабрыка (выраблялася халодная зброя, першымі майстрамі былі збройнікі з нямецкага горада Золінген), у 1857 — сталеліцейная фабрыка (былі адлітыя першыя ў Расіі сталёвыя гарматы).

З пачатку XIX стагоддзя Златавуст — цэнтр мастацкай гравюры на метале (зарадзілася як дапаможная вытворчасць для ўпрыгожвання шабель, корцікаў, шпаг; цяпер залатым і срэбным насяканнем упрыгожваюць падарункавую зброю, робяць дэкаратыўныя пано на сталёвых пласцінах). Асноўнымі галінамі прамысловасці з’яўляюцца чорная металургія і машынабудаванне. Шэраг філіялаў ВНУ.

Вядомыя асобы

• Мікалай Сяргеевіч Волкаў (нар. 1941) — беларускі архітэктар.
• Аляксандр Іванавіч Грыцук (нар. 1949) — урач-біяхімік. Доктар медыцынскіх навук (1996), прафесар (2003).
• Ігар Іванавіч Губарэвіч (нар. 1969) — беларускі дыпламат.
• Анатоль Яўгенавіч Карпаў (нар. 1951) — 12-ы чэмпіён свету па шахматах (1975—1985).
• Лідзія Паўлаўна Скоблікава — савецкая канькабежка, шматразовая алімпійская чэмпіёнка.
• Барыс Міхайлавіч Шапашнікаў (1882—1945) — Маршал Савецкага Саюза.

Спасылкі

• На Вікісховішчы ёсць медыяфайлы па тэме Златавуст
• Афіцыйны сайт