Каліфарнійскі ўніверсітэт у Дэйвісе

Каліфарнійскі ўніверсітэт у Дэйвісе (англ.: University of California, Davis) — амерыканская дзяржаўная вышэйшая навучальная ўстанова са статусам даследчага ўніверсітэта, якая месціцца ў горадзе Дэйвіc у штаце Каліфорнія, ЗША.

Каліфарнійскі ўніверсітэт у Дэйвісе
англ.: University of California, Davis
Арыгінальная назва	англ.: University of California, Davis
Заснаваны	1905
Студэнты	39 074 і 36 959
Размяшчэнне	Дэйвіс, Каліфорнія, ЗША
Сайт	ucdavis.edu
Медыяфайлы на Вікісховішчы

Агульная характарыстыка

Гэта самая паўночная з дзесяці ўстаноў сістэмы Каліфарнійскага ўніверсітэта. Яна ўпершыню была заснавана як сельскагаспадарчая вучэльня ў 1905 годзе і стала сёмай установай вышэйшай адукацыі Каліфарнійскага ўніверсітэта ў 1959 годзе. Заснаваны ў асноўным як сельскагаспадарчы кампус, універсітэт за апошняе стагоддзе пашырыўся і ўключыў магістарскія і прафесійныя праграмы ў галіне медыцыны, права, ветэрынарыі, адукацыі, медсястрынства і кіравання бізнесам. Школа ветэрынарнай медыцыны ўніверсітэта — гэта буйнейшая ветэрынарная школа ў ЗША. Вучэльня класіфікуецца як доктарскі ўніверсітэт з вельмі высокай даследчай актыўнасцю. Выкладчыкі, выпускнікі і даследчыкі ўніверсітэта былі лаўрэатамі дзвюх Нобелеўскіх прэмій, аднаго медаля Філдса, прэзідэнцкага медаля Свабоды, трох Пулітцэраўскіх прэмій, трох стыпендый Макартура і Нацыянальнага медаля навукі ЗША.

Структура

• Каледж аграрных і экалагічных навук
• Каледж біялагічных навук
• Каледж інжынерыі
• Каледж літаратуры і навукі
• Школа медсястрынства
• Школа менеджменту
• Школа адукацыі
• Школа права
• Школа медыцыны
• Школа ветэрынарнай медыцыны

Гл. таксама

• Спіс універсітэтаў штата Каліфорнія

Спасылкі

• На Вікісховішчы ёсць медыяфайлы па тэме Каліфарнійскі ўніверсітэт у Дэйвісе
• Афіцыйная інтэрнэт-старонка ўстановы