Кананерская лодка

Канане́рская ло́дка, канане́рка, канло́дка (ням.: Kanonenboot ад італ.: cannone — «гармата») — клас невялікіх баявых караблёў з артылерыйскім узбраеннем, прызначаных для баявых дзеянняў на рэках, азёрах і ў прыбярэжных марскіх раёнах, аховы гаваняў.

Мадэль кананерскай лодкі з 24-фунтовай гарматай і каранадай, 1808 год.

Англійская кананерская лодка ў вусці Еўфрата, 1915 год.

Гістарычна ў эпоху паруснага флота кананерскімі лодкамі называлі буйныя шлюпкі або невялікія парусна-вяслярныя судны з усталяваным на носе адным-трыма буйнымі гарматамі. Упершыню ўведзены французамі ў XVII стагоддзі (1646), ужываліся пры бамбардзіроўцы Дзюнкерка, ўяўлялі сабой 30-40-вёсельные шлюпкі з двума-трыма вялікімі гарматамі.

У Беларусі кананерскія лодкі былі на ўзбраенні да першай паловы XX стагоддзя ў складзе рачных ваенных флатылій.

Гл. таксама

• Карвет
• Мінаносец

Літаратура

• Беларуская энцыклапедыя: У 18 т. Т. 7: Застаўка — Кантата / Рэдкал.: Г. П. Пашкоў і інш. — Мн. : БелЭн, 1998. — Т. 7. — 604 с. — 10 000 экз. — ISBN 985-11-0035-8. — ISBN 985-11-0130-3 (т. 7)., с. 569
• Будиловский, «Военные флоты и морская справочная книга» (за 1891, 1892, 1893 и 1894 года)
• Платонов А. В., Советские мониторы, канонерские лодки и бронекатера. Часть I. Царское наследие

Спасылкі

• На Вікісховішчы ёсць медыяфайлы па тэме Кананерская лодка