Канеўская

Канеўская (руск.: Каневска́я) — станіца ў Расіі, адміністрацыйны цэнтр Канеўскага раёна Краснадарскага края. Насельніцтва — 44 386 чал. (2010). Найбуйнейшы населены пункт сельскага тыпу ў Расіі.

Станіца Канеўская руск.: Каневская Герб Сцяг Краіна Расія Суб’ект федэрацыі Краснадарскі край Муніцыпальны раён Канеўскі раён[d] Каардынаты 46°05′00″ пн. ш. 38°57′00″ у. д. Заснаваны 1794 Вышыня цэнтра 14 м Тэлефонны код 86164 Паштовыя індэксы 353730–353733 Код АКАТП 03220802001 Афіцыйны сайт kanevskaya.ru Канеўская на карце Расіі ±

Месцазнаходжанне

Размешчана ў 128 км на поўнач ад Краснадара ў межах Кубана-Прыазоўскай нізіны. Станіца раскінулася пры зліцці ракі Чэлбас (басейн Азоўскага мора) з прытокамі Сярэдні Чэлбас і Сухі Чэлбас. Працягласць: 10 км з поўначы на поўдзень, 5 км з захаду на ўсход. Агульная плошча станіцы — 2399 га, працягласць дарог — 178,59 км.

Гісторыя

Канеўская заснавана ў 1794 годзе падпалкоўнікам кубанскіх казачых войскаў Паўлам Жыватоўскім ў ліку першых сарака паселішчаў чарнаморскіх казакоў на Кубані. Назва была перанесена з курэня Сечы, які, у сваю чаргу, названы па горадзе Канеў.

Насельніцтва

Найбуйнейшая станіца Кубані і найбуйнейшы сельскі населены пункт у Расіі (пасля надання ў 2015 годзе статусу пасёлка гарадскога тыпу станіцы Арджанікідзаўская). Канеўская разам з суседняй станіцай Старадзеравянкаўская на процілеглым правым беразе Чалбаса ўтвараюць адзінае паселішча з амаль 60-тысячным насельніцтвам.

Колькасць насельніцтва станіцы па гадах:

• 1794 — 1,1 тыс. чал.
• 1849 — 3,5 тыс. чал.
• 1875 — 4,9 тыс. чал.
• 1897 — 9,4 тыс. чал.
• 1925 — 15,6 тыс. чал.
• 1989 — 36,1 тыс. чал.
• 2001 — 46,3 тыс. чал.
• 2010 — 44,3 тыс. чал.

Транспарт

Праз станіцу праходзіць чыгуначная магістраль Растоў-на-Доне — Краснадар (некалькі электрычак з Цімашоўска і Старамінскай, экспрэс Растоў — Краснадар). Ёсць чыгуначная станцыя Канеўская на адрэзку Цімашоўск — Старамінская. Штодзённыя цягнікі ідуць праз Канеўскую.

Праз станіцу праходзіць аўтамабільная траса Краснадар — Ейск.

Бліжэйшы аэрапорт знаходзіцца за 140 кіламетраў, каля Краснадара. Прыгарадныя аўтобусы: Канеўская — Ейск, Канеўская — Прыморска-Ахтарск, Канеўская — Сочы, Канеўская — Армавір. Унутры станіцы пасажырскія перавозкі ажыццяўляюцца сеткай маршрутных таксі.

Славутасці

• Свята-Пакроўскі храм
• Лядовы палац
• Палац спорту
• Стадыён «Алімп»
• Стадыён «Факел»
• Гісторыка-краязнаўчы музей
• Заапарк
• Парк імя 30-годдзя Перамогі
• Парк імя 300-годдзя Кубанскага казацкага войска
• Першая мастацкая галерэя І.Пагарэлава станіцы Канеўская

Спасылкі

• Інфармацыйны партал станіцы Канеўская (руск.)
• Канеўская тэлестудыя ТВК (руск.)