Капскія горы
Капскія горы — горы ў ПАР, на крайнім поўдні Афрыкі, якія працягнуліся ад ракі Уліфантс да горада Порт-Элізабет. Горная сістэма складаецца з некалькіх паралельных хрыбтоў, сярод якіх вылучаюцца Кедравыя горы, хрыбты Лангеберг, Свартберг, Пікетберг, Кадэльберг і інш. Вышэйшым пунктам з’яўляецца гара Севенвікспуртпік (2325 м). Капскія горы сфармаваліся ў верхнім палеазоі. Іх з’яўленне звязана з утварэннем протакантынента Пангея ў познім карбоне і пермскім перыядзе. Знешні выгляд гор вызначаецца спалучэннем скальных масіваў з кварцытаў і пясчанікаў і далін, утвораных гліністымі сланцамі ў чацвярцічным перыядзе.
| Капскія горы | |
|---|---|
 Капскія горы ў раёне г. Робертсан | |
| Краіна | |
| Перыяд утварэння | Пермскі перыяд |
| Даўжыня | 800 км |
| Найвышэйшы пункт | 2326 м |
 Медыяфайлы на Вікісховішчы | |
Артыкулу нестае спасылак на крыніцы. |