Каралеўская Акадэмія драматычнага мастацтва

Каралеўская акадэмія драматычнага мастацтва (англ.: Royal Academy of Dramatic Art (RADA)) — адна з самых вядомых тэатральных школ у свеце, а таксама адна з найстарэйшых драматычных школ у Вялікабрытаніі. Акадэмія была заснавана ў 1904 годзе англійскім тэатральным акцёрам Гербертам Бірбомам Тры, і размяшчаецца ў лонданскім квартале Блумсберы. Акадэмія знаходзіцца ў падначаленні Каралеўскага каледжа, які ў сваю чаргу з'яўляецца часткай Лонданскага ўніверсітэта.

Будынак акадэміі

Акадэмія штогод прымае 28 новых студэнтаў на трохгадовае навучанне са ступенню бакалаўр. Акрамя акцёрскіх спецыяльнасцяў акадэмія рыхтуе і тэхнічны персанал для тэатраў. Выпускнікамі акадэміі ў розныя гады сталі шматлікія знакамітыя акцёры і актрысы, сярод якіх Ута Хаген, Маргарэт Локвуд, Джон Гілгуд, Джаан Колінз, Майкл Кейн, Ёан Грыфіт, Цімаці Далтан, Энтані Хопкінс і Шон Бін.

З 2007 года прэзідэнтам акадэміі з'яўляецца Рычард Атэнбора, старшынёй сэр Стывен Уэйл-Коэн, а яго намеснікамі Алан Рыкман і Майкл Атэнбора.

Спасылкі правіць