Касцёл Святога Роха (Шабуні)
Касцёл Святога Роха — драўляны рыма-каталіцкі храм у вёсцы Шабуні Пухавіцкага раёна Мінскай вобласці, помнік беларускага народнага дойлідства[1].
| Славутасць | |
| Касцёл Святога Роха | |
|---|---|
_07.jpg) Касцёл Святога Роха, 2021 г. | |
| 53°37′41″ пн. ш. 27°33′01″ у. д.HGЯO | |
| Краіна |
 Беларусь |
| Месцазнаходжанне | |
| Канфесія | Каталіцтва |
| Епархія |
Мінска-Магілёўская архідыяцэзія Барысаўскі дэканат |
| Архітэктурны стыль | народнае дойлідства |
| Дата пабудовы | 1796 |
| Стан | добры |
 |
|
 Медыяфайлы на Вікісховішчы | |
Гісторыя правіць
Гісторыя каталіцкай грамады ў Шабунях пачынаецца з канца XVIII стагоддзе, калі на старых могілках вернікі вырашылі ўзвесці капліцу. Паводле мясцовага падання, узнікненне касцёла звязана з эпідэміяй халеры ў вёсцы. Нібы пасля таго, як жыхары набылі абраз Святога Роха і ўсталявалі яго ў алтары капліцы, хвароба пачала адступаць[2].
У 1796 годзе на могілках на ўсходняй частцы вёсцы вёскі была пабудавана драўляная капліца, якая была асвячона пад тытулам Святога Роха, які лічыцца апекуном хворых на заразныя хваробы. Дата ўзвядзення капліцы — «1796» — была выразана на парогавай бэльцы. Абслугоўваннем касцёла займаліся мінскія бернардзінцы[3].
У 1829 годзе старая капліца была перабудавана, аднак даўнейшую парогавую бэльку з датай пабудовы вырашылі захаваць. У 1860 годзе капліца зноў была перабудавана, сродкі на рэканструкцыю вылучыў тагачасны ўладальнік гэтых месцаў князь Вітгенштэйн. У часе гэтай рэканструкцыі храм быў значна павялічаны, шэраг архіўных дакументаў таго часу пачынае зваць яе «касцёлам». Пры гэтым дату «1796» на ўваходзе ў капліцу згадваюць як «былую», бэльку парога, якая тады стала зусім трухлявай, давялося замяніць[1].
.jpg)
У 1923—1924 гадах адбылася чарговая рэканструкцыя касцёла, у час якой пабудову пашырылі і ашалявалі, а алтарную частку перамясцілі на ўсход. Рамонт таксама адбываўся ў 1971 і 1997 гадах, у якіх былі заменены, адпаведна, дах і падлога[4].
З 1997 па 2004 гады касцёл не дзейнічаў. 15 жніўня 2015 годзе мітрапаліт Мінска-Магілёўскі Тадэвуш Кандрусевіч асвяціў адноўленую пасля рамонту капліцу[2].
Архітэктура правіць
Касцёл ёсць квадратным будынкам з трохграннай апсідай і выцягнутым бабінцам. Кожны са зрубаў накрыты асобным двухсхільным гонтавым дахам. Над уваходным ганкам, што падтрымліваецца чатырма драўлянымі калонамі, пастаўлена чацвярыковая вежа пад шатровай чатырохсхільнай страхой з крыжом. Ёсць адна сакрыстыя, прыбудаваная да правай грані апсіды. Над уваходам размешчаны хоры. Столь над асноўным аб’ёмам каробчатая, над астатнімі прыбудовамі плоская. Бакавыя гарызантальна ашаляваныя фасады прарэзаны арачнымі аконнымі праёмамі[5].
У інтэр’еры раней вылучаліся старадаўнія абразы, ад якіх захаваліся рамы XVIII стагоддзя[1].
_01.jpg)
_02.jpg)
_08.jpg)
_11.jpg)
Зноскі
- ↑ а б в Историческая справка о каплице Св. Роха в д. Шабуни Пуховичского района (руск.). Каталіцкі прыход Святога Антонія Падуанскага ў Мінску (31 сакавіка 2010). Праверана 31.05.2019.
- ↑ а б Адноўленую гістарычную капліцу св. Роха асвецяць у Шабунях . Catholic.by (11 жніўня 2015). Праверана 31.05.2019.
- ↑ Костел Святого Роха в деревне Шабуни (руск.). Holiday.by (1 красавіка 2011). Праверана 02.06.2019.
- ↑ В. Ніціеўская. Касцёл Святога Роха ў Шабунёх і яго парафіяне . Каталіцкі прыход Святога Антонія Падуанскага ў Мінску (31 сакавіка 2010). Праверана 02.06.2019.
- ↑ Кулагін 2008, с. 368—369.
Літаратура правіць
- Кулагін А. М. Каталіцкія храмы Беларусі. — Мінск: Беларуская энцыклапедыя імя Петруся Броўкі, 2008. — 488 с. — 3 000 экз. — ISBN 978-985-11-0395-5.
Спасылкі правіць
- Касцёл Святога Роха (Шабуні) на сайце Глобус Беларусі (руск.)
- Касцёл Святога Роха (Шабуні) на сайце Radzima.org