Кася Камоцкая
Кася Камоцкая (нар. 22 чэрвеня 1963, Мінск) — беларускі музыкант, бард.
| Кася Камоцкая | |
|---|---|
| Дата нараджэння | 22 чэрвеня 1963 (60 гадоў) |
| Месца нараджэння | |
| Краіна | Беларусь |
| Муж | Алесь Камоцкі і Віктар Корзун[d] |
| Альма-матар | |
| Месца працы | |
| Музычная дзейнасць | |
| Прафесіі | кампазітарка, гісторык, журналістка, вырабнік, спявачка |
| Гады актыўнасці | 1988 — цяперашні час |
| Інструменты | гітара |
| Жанры |
Рок, Бардаўская песня |
| Калектыў | Новае Неба |
| Супрацоўніцтва | Новае Неба |
| Лэйблы |
Каўчэг БМАgroup |
Біяграфія правіць
Нарадзілася ў Мінску 22 чэрвеня 1963 года. Бацькі — Ада Яўгенаўна і Альфрэд Васільевіч. Дзявочае прозвішча — Чалей. Вучылася ў мінскай школе № 24 (з ухілам на нямецкую мову). Скончыла гістарычны факультэт БДУ (1985), аспірантуру (спецыялізацыя навуковы камунізм, 1988). Пасля заканчэння вучобы размеркавалася ў сацыялагічную лабараторыю пры БДУ, аднак працавала тут нядоўгі час. Пасля звальнення з лабараторыі працавала ў часопісе «Спадчына», дзе займалася перакладамі з польскай на беларускую мову. Аўтар і вядоўца музычнай праграмы «ПраРок» на 8 канале (1994—1995). У другой палове 90-х займалася журналістыкай, працавала на радыё «101,2» (1995—1996) і «Радыё Рацыя».
У 2000-х Кася Камоцкая занялася дакументальным кіно. Першы фільм убачыў свет у 2004 годзе, ён быў прысвечаны жыццю Васіля Быкава. Звычайна займае пасаду прадзюсара, зрэдку сцэнарыста. Па стане на 2014 год зняла сем карцін.
Былая жонка беларускага паэта і музыканта Алеся Камоцкага (разыйшліся ў 1991 годзе, аднак афіцыйна стасункі не скасавалі да 2000), ад шлюбу нарадзілася дачка Кася. Другім мужам (2000) стаў рэжысёр дакументальнага кіно Віктар Корзун[1].
Музычная дзейнасць правіць
Пачала займацца музыкай пад канец 1980-х гадоў, выконваючы бардаўскія песні разам з мужам Алесем Камоцкім. Неўзабаве Кася Камоцкая стала спяваць адна. Для запісу на радыё ў 1991 да Касі далучыліся іншыя музыкі. Так нарадзіўся гурт Новае Неба, які першапачаткова меў акустычны склад (дзве гітары, віяланчэль і скрыпка)[2]. Пазней запісваліся электрычныя альбомы калектыва, адбываліся шматлікія канцэрты. Пад назвай Новае Неба выдадзена 6 альбомаў, і яшчэ два ўбачылі свет у XXI стагоддзі. Электрычны склад калектыва праіснаваў да канца 90-х, у пачатку 2000-х час ад часу збіраўся акустычны склад.
Кася Камоцкая выпускала шмат сольных песень, а таксама ўдзельнічала ў запісе шэрагу музычных зборнікаў. Самым вядомым падобным праектам стаў «Народны альбом» (1997).
У рэпертуары песні на вершы сучасных беларускіх паэтаў (Ігара Бабкова, Адама Глобуса, Анатоля Сыса, Міхала Анемпадыстава і іншых)[3].
Дыскаграфія правіць
Новае Неба правіць
- Дзеці чорнага гораду (МС, 1991)
- Сон у трамваі (МС, 1994)
- Go Home! (МС, 1995)
- Мая краіна (МС, 1996)
- Лепшае (CD, 1999)
- Цэпеліны (CD, 1999)
Кася Камоцкая & Новае Неба правіць
Удзел у зборніках правіць
Узнагароды правіць
«Рок-карона» у намінацыі «Рок-князёўна» на цырымоніях 1994 і 1995 гадоў. У 1996 годзе адмовілася ад чарговага ўручэння гэтай узнагароды.[1] «Лепшы аўтар тэкстаў года» на «Рок-каранацыі-96». Спецыяльны прыз ад газеты «Наша Ніва» на Рок-каранацыі '98 за «За адмысловы паэтычны густ»[5].
Зноскі
- ↑ а б Тамковіч, Аляксандр. Рок-князёўна Кася Камоцкая . Новы Час (30 жніўня 2014). Архівавана з першакрыніцы 29 жніўня 2020. Праверана 29 жніўня 2020.
- ↑ Будкін Сяргей, Сьвярдлоў Павал, Жбанкоў Максім. Залатыя дыскі беларускага рок-н-рола. Гурт Новае Неба
- ↑ Будкін, Сяргей. 25 жанчын, без якіх не было б беларускай музыкі (+ аўдыё) . Будзьма беларусамі! (2 мая 2013). Архівавана з першакрыніцы 4 красавіка 2020. Праверана 4 красавіка 2020.
- ↑ Мартыненка В., Мяльгуй А. 222 альбомы беларускага року і ня толькі… — Мн.: БМАgroup, 2005. С. 302—304.
- ↑ "V/A :: Рок-каранацыя-98". Музыкальная газета [руская] (18). 1999. Архівавана з арыгінала 2020-08-29. Праверана 2020-08-29.
{{cite journal}}: Невядомы параметр|dead-url=ігнараваны (прапануецца|url-status=) (даведка)
Літаратура правіць
- С.К., Д.П. КАМОЦКАЯ КАСЯ (Камоцкая Кася, Kamockaja Kasia) // Энцыклапедыя беларускай папулярнай музыкі (бел.) / уклад. Дз. Падбярэзскі і інш. — Мінск: Зміцер Колас, 2008. — С. 130. — 368 с. — 2 000 экз. — ISBN 978-985-6783-42-8.