Даўжыня цела 30-36 см, размах крылаў 62-69 см, маса 270—310 г. Колер цёмны, без белага надхвосця, канцы крылаў чорныя, палосы на крылах невыразныя, размытыя. Афарбоўка ўнутранага боку крылаў аднаго колеру з грудзямі.
Гняздуе ва ўмераных шыротах Еўропы і Заходняй Сібіры, а таксама на паўночным усходзе Афрыкі. У залежнасці ад раёна пражывання, аселы, пералётны або часткова пералётны від. На Беларусі звычайная, але ў многіх месцах нешматлікая птушка.
Насяляе старыя дуплістыя дрэвастоі (звычайна лісцевыя), а таксама сасновыя, з лістоўніц або мяшаныя бары, звычайна на мяжы з адкрытымі тэрыторыямі (напр., палямі) і не вельмі далёка ад вады. Можа засяляць скальныя шчыліны, норы трусоў або адтуліны ў пабудовах і руінах. У Альпах даходзіць да 1000 м, а ў Грэцыі і Балгарыі — нават да 2000 м над у.м.
Асаблівасці біялогіі
правіць
Корміцца насеннем дзікіх і культурных раслін. Асцярожная птушка, у перыяд размнажэння хаваецца ў лістоце дрэў і змаўкае пры з’яўленні чалавека ці буйной жывёлы.
Гняздо ў дупле высокага дрэва, часцей за ўсё бліжэй да яго сярэдзіны (ахвотна займае дуплы пасля D. martius), у адтулінах пабудоў, ямах на скалах або нават норах трусоў. З пругкіх галінак лісцевых дрэў, укладзеных слаямі крыж-накрыж (звычайна даўжэйшых за дыяметр дупла) і таму загнутых унутр; высцілка з моху і дробных карэньчыкаў (у перыяд выкормлівання птушанят пакрываецца слаямі памёту).
Яйкі (1-2) авальныя з аднолькавымі тупымі канцамі, белыя з моцным бляскам.
- C. o. оenas — Еўропа, Паўночная Афрыка, Малая і Цэнтральная Азія да Заходняй Сібіры;
- C. o. hyrcana — Паўночны Іран;
- C. o. yarcadensis — Усходні Туркестан, Цянь-Шань.
