Коламан Сокал
Коламан Сокал (славацк.: Koloman Sokol; 12 снежня 1902, Ліптаўскі-Мікулаш, Аўстра-Венгрыя — 14 студзеня 2003, Тусан, ЗША) — адзін з найбуйнейшых славацкіх мастакоў ХХ стагоддзя, графік.
| Коламан Сокал | |
|---|---|
| славацк.: Koloman Sokol | |
 | |
| Дата нараджэння | 12 снежня 1902[1][2][…] |
| Месца нараджэння |
|
| Дата смерці | 12 студзеня 2003[4][3][…] (100 гадоў) |
| Месца смерці | |
| Грамадзянства | |
| Род дзейнасці | мастак, выкладчык універсітэта, графічны дызайнер, ілюстратар, графік, настаўнік, рысавальнік, дзеяч выяўленчага мастацтва |
| Месца працы | |
| Вучоба | |
| Член у | |
| Узнагароды |
   |
Біяграфія правіць
У 1921—1924 гадах К. Сокал вучыўся ў прыватнай школе жывапісу ў Кошыцах, у 1925 годзе паступіў у школу Густава Малага ў Браціславе. У 1925—1932 гадах Сокал наведвае класы Макса Швабінскага і Тавіка Францішка Шымана ў Пражскай акадэміі мастацтваў, затым ён з'язджае ў Парыж, дзе год праводзіць у майстэрні Францішка Купкі (1932—1933). Шмат падарожнічаў. У Чэхаславакіі Сокал стаў членам таварыства SČUG Hollar, якое аб'ядноўвала мастакоў-графікаў.
У 1937 годзе К. Сокал атрымлівае запрашэнне ад міністэрства культуры і адукацыі Мексікі на выкладанне графікі ў школе кніжнага мастацтва пры Нацыянальным аўтаномным універсітэце ў Мехіка. У Мексіцы К. Сокал выкладаў да 1942 года, пасля чаго пераехаў у ЗША. Тут ён займаўся выкладчыцкай дзейнасцю ў Нью-Ёрку. У 1946 годзе мастак вярнуўся ў Чэхаславакію, дзе працаваў у браціслаўскім Славацкім тэхнічным універсітэце і ва ўніверсітэце Коменскага. У 1948 мастак ізноў з'ехаў у ЗША, пасяліўся ў Брын Мары, у наваколлях Філадэльфіі. У 1960-я гады Сокал вёў адасоблены лад жыцця; у яго творчасці развіўся асаблівы, сімвалічна-міфалагічны стыль рысунка. Апошнія гады жыцця правёў у Тусане, Арызона.
Творчасць правіць
Найбольшы ўплыў на працу Сокала аказалі працы Вінцэнта ван Гога, Кетэ Кольвіца, Жоржа Гроса, а таксама суполка Мост. Спачатку ён канцэнтраваўся на графічных тэхніках, аднак пазней, знаходзячыся ў Мексіцы, развіў маляванне. Яго карціны часта драматычныя, з-за чаго прынята лічыць, што ён стварыў славацкую варыяцыю экспрэсіянізму на еўрапейскім узроўні. Артыстычныя, этнічныя і сацыяльныя аспекты аб'ядноўваюцца ў яго працы. Яго працы часта адлюстроўваюць пакуты і чалавечы боль. Ён таксама стварыў шэраг гравюр.
Узнагароды правіць
- Славацкая народная прэмія (1947)
- Ордэн Томаша Гарыга Масарыка 2 ступені (1991).
- Прэмія міністэрства культуры Славакіі (2001)
Зноскі
- ↑ https://rkd.nl/explore/artists/275815 Праверана 22 жніўня 2017.
- ↑ Koloman Sokol
- ↑ а б Czech National Authority Database Праверана 23 лістапада 2019.
- ↑ Koloman Sokol // Benezit Dictionary of Artists — OUP, 2006. — ISBN 978-0-19-977378-7 Праверана 9 кастрычніка 2017.
Спасылкі правіць
На Вікісховішчы пакуль няма медыяфайлаў па тэме, але Вы можаце загрузіць іх
