Крэмніцкі манетны двор
Дзяржа́ўнае прадпрые́мства «Крэ́мніцкі мане́тны двор» (славацк.: Mincovňa Kremnica, венг.: Körmöcbányai pénzverde) — дзяржаўны манетны двор Славакіі, знаходзіцца ў Крэмніцы. З'яўляецца адным з найстарэйшых дзейных прадпрыемстваў і найстарэйшым манетным дваром у свеце.
| Крэмніцкі манетны двор | |
|---|---|
| славацк.: Mincovňa Kremnica | |
 | |
| Тып | дзяржаўнае прадпрыемства |
| Заснаванне | 1328 |
| Заснавальнікі | Карл I Роберт |
| Размяшчэнне |
 Крэмніца |
| Ключавыя постаці | старшыня праўлення Властыміл Калінец |
| Галіна | манетны двор |
| Прадукцыя | манеты еўра |
| Аперацыйны прыбытак | €17,237 млн (2011)[1] |
| Чысты прыбытак | €1,426 млн (2011)[1] |
| Матчына кампанія | Міністэрства фінансаў Славакіі |
| Сайт | mint.sk |
З 2008 года тут выпускаюцца славацкія еўра.
Гісторыя правіць
Разам са статусам вольнага каралеўскага шахцёрскага горада ад венгерскага караля Карла I Роберта 17 лістапада 1328 Крэмніца атрымала прывілей на працу манетнага двара. Першыя манеты чаканіліся паводле ўзору манетнага двара ў Фларэнцыі і называліся флорыны. У 1499 у Крэмніцы аднымі з першых пачалі чаканіць срэбныя талеры. Прыкладна гэты часам датаваныя першыя вядомыя крэмніцкія медалі.
Пазней пачалася чаканка дукатаў. Яны былі вельмі вядомыя ў Еўропе праз сваю высокую якасць, дакладную масу (3,49 г) і чысціню (986‰) золата. Паводле ацэнак, за час сваёй дзейнасці манетны двор адчаканіў 21,5 млн дукатаў[2].
Да пачатку XX стагоддзя абсталяванне манетнага двара значна састарэла, з'явіліся нават прапановы па пераносе яго ў Будапешт. Аднак да заканчэння Першай сусветнай вайны гэтага не адбылося. Пасля таго, як чэшскія войскі ўвайшлі ў Паўночную Венгрыю, урад Караі загадаў перавезьці абсталяванне і запас высакародных металаў у сталіцу. Венгерскі ўрад пачаў чаканіць першыя манеты на зношаных станках і штампах у Чэпелі (цяпер раён Будапешта).
Чэхаславацкаму ўраду давялося ствараць манетны двор з нуля, паколькі ў Крэмніцы засталіся адны пустыя будынкі. Абсталявання новага двара пачалося ў 1921. З таго часу Крэмніцкі манетны двор чаканіў манеты для патрэбаў чэхаславацкай дзяржавы і 25 іншых краін. Пад канец Другой сусветнай вайны нацысты ўзарвалі ўсё абсталяванне, аднаўленне адбывалася да лета 1946 года.
У 1955 годзе манетны двор занесены ў спіс нацыянальных культурных славутасцей. У 1986 годзе вытворчасць перанесена ў новы будынак па-за межамі горада, а ў старым будынку ў гістарычным цэнтры засталася вытворчасць медалёў.
Сучаснасць правіць
27 чэрвеня 1988 года Федэральнае міністэрства металургіі, механічнай і электроннай інжынерыі заснавала Дзяржаўнае прадпрыемства «Крэмніцкі манетны двор». З 31 снежня 1996 паўнапраўным уласнікам з'яўляецца Міністэрства фінансаў Славакіі[3].
Паколькі манетны двор быў адзіным на тэрыторыі Чэхаславакіі, пасля падзелу Чэхаславакіі незалежная Чэшская рэспубліка заснавала ў 1990-х гадах уласны манетны двор. З 23 студзеня 1993 на Крэмніцкім манетным двары пачалася чаканка славацкіх манет.
У цяперашні час манетны двор працягвае чаканіць манеты для некалькіх краін свету[4], славацкія еўра, памятныя манеты. Выпускае таксама медалі, значыкі і інш.
Зноскі
- ↑ а б Архіўная копія (англ.) (pdf)(недаступная спасылка). Mincovňa Kremnica. Архівавана з першакрыніцы 3 кастрычніка 2015. Праверана 19 кастрычніка 2014.
- ↑ Ducat — the strongest currency in Central Europe(англ.) // Annual report 2011. — С. 9. Архівавана з першакрыніцы 3 кастрычніка 2015.
- ↑ Foundation Deed, founder and property participation(англ.) // Annual report 2011. — С. 21. Архівавана з першакрыніцы 3 кастрычніка 2015.
- ↑ References (англ.).
Спасылкі правіць
|
Крэмніцкі манетны двор на Вікісховішчы |
|---|
- Афіцыйная старонка (славацк.) (англ.) (ням.)
- Кароткая гісторыя Крэмніцкага манетнага двара (славацк.)