Куасі Куаджа

Куасі Куаджа (нар. 22 чэрвеня 1995, Абіджан) — івуарыйскі футбаліст, абаронца.

Куасі Куаджа
Поўнае імя	Куасі Куаджа Ісо
Нарадзіўся	22 чэрвеня 1995(1995-06-22) (28 гадоў) Абіджан, дэпартамент Абіджан[d], Кот-д’Івуар
Грамадзянства	Кот-д’Івуар
Рост	183 см
Вага	75 кг
Пазіцыя	абаронца
Інфармацыя пра клуб
Клуб	няма
Маладзёжныя клубы
Эньянда дэ Зарану
Клубная кар’ера
2014—2015 Саксан 15 (0) 2015 →  Астра 1 (0) 2015 Слуцк 12 (0) 2016 Актабэ 29 (0) 2017 Слуцк 7 (0) 2017 Тамбоў 0 (0) 2018 Кейптаўн Сіці 5 (0) 2020 Актабэ 7 (0)

Клубная кар’ера

Пачынаў кар’еру ў Кот-д’Івуары, а ўлетку 2014 года перайшоў у малдаўскі клуб «Саксан». У першай палове 2015 года гуляў у арэндзе ў румынскай «Астры», улетку вярнуўся ў «Саксан», за які паспеў згуляць у Лізе Еўропы. У ліпені 2015 года разам з таварышамі па «Саксану» Якубам Бамбам і Сенінам Себаі падпісаў кантракт з беларускім клубам «Слуцк». У складзе «Слуцка» замацаваўся ў стартавым складзе, па заканчэнні сезону 2015 пакінуў каманду.

У лютым 2016 года стаў іграком казахстанскага клуба «Актабэ», дзе таксама трывала гуляў у аснове. У сакавіку 2017 года прыбыў на прагляд у беларускі клуб «Гомель», аднак у выніку зноў стаў іграком «Слуцка». Пачатак сезону прапусціў з-за траўмы, а ў маі стаў асноўным правым абаронцам каманды. У чэрвені 2017 года пакінуў «Слуцк» і накіраваўся на прагляд у расійскі клуб «Тамбоў», з якім у ліпені падпісаў кантракт. Аднак, ужо ў жніўні 2017 года пакінуў «Тамбоў», так і не згуляўшы за каманду ніводнага матчу.

У ліпені 2018 года папоўніў склад паўднёваафрыканскага клуба «Кейптаўн Сіці». У лютым 2020 года зноў далучыўся да «Актабэ», якому дапамог вярнуцца ў казахстанскую Прэм’ер-лігу. У лютым 2021 года пакінуў клуб.

Дасягненні

• Уладальнік Кубка Васьмі: 2018
• Пераможца Першай лігі Казахстана: 2020