Кэр-Паравель

Каір-Паравель (Кэр-Параваль, Кэйр-Паравел і інш. — розныя транслітарацыі англ.: Cair Paravel ад вал.: caer — «замак», англ.: paravail — «меншы», «ніжні» або «ўнізе», тут — «пад Асланам») — выдуманы замак з свету Нарніі, рэзідэнцыя каралёў Нарніі.

Уяўляў сабой велізарны замак, размешчаны на невысокай гары, у вусце Вялікай ракі. Яго стваральнік у кнігах не згадваецца.

У гэтым замку былі размешчаныя чатыры трона, якія, паводле прароцтва, павінны былі заняць два сына Адама і дзве дачкі Евы, якімі апынуліся Пітэр, Сьюзен, Люсі і Эдмунд Пэвэнсі. Кэр-Параваль таксама з’яўляецца сталіцай Нарніі.

Пасля ўварвання тельмарынаў пад правадырствам Каспіяна Заваёўніка ў Нарнію і Вялікай Бітвы, сталіца была перанесена. Каір-Паравель быў разбураны часам і ператварыўся ў руіны.

У часы праўлення Пітэра, Сьюзен, Эдмунда і Люсі замак размяшчаўся на беразе, аднак да часу праўлення Каспіяна X апынуўся адрэзаным ад сушы.

Менавіта тут чацвёра дзяцей Пэвэнсі вярнуліся ў Нарнію, хоць ім і спатрэбіўся час, каб зразумець, дзе яны.

У кнізе «Сярэбраны фатэль» сказана, што Каспіян X аднавіў замак да канца яго кіравання.

Падчас «Апошняй бітвы» Кэр-Паравель акружаны горадам. У канчатковым рахунку быў разрабаваны Тысрокам. Пасля Пэвэнсі бачаць яго ў адроджанай Нарніі.

У культуры

• Кэр-Паравель згадваецца ў песні Джааны Ньюс у «Bridges and Balloons».
• Хрысціянская школа К-12 у Канзасе называецца Cair Paravel-Latin School.
• Шведская група Narnia, які грае ў жанры хрысціянскі метал, выпусціла ў 1999 годзе альбом «Long Live The King» з падзагалоўкам «Cair Paravel».

Спасылкі

• Leland Ryken, Marjorie Lamp Mead A reader's guide to Caspian: a journey into C. S. Lewis's Narnia
• Kathryn Ann Lindskoog Journey into Narnia