Кіслічныя

Кіслічныя (Oxalidaceae) — сямейства кветкавых раслін.

Кіслічныя
Кісліца звычайная (Oxalis acetosella)
Навуковая класіфікацыя
Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Oxalidales Сямейства:  Кіслічныя
Міжнародная навуковая назва
Oxalidaceae R.Br., nom. cons.
Сінонімы
Averrhoaceae Hutch.
Сістэматыка на Віківідах Выявы на Вікісховішчы ITIS   29061 NCBI   4033 EOL   4286 GRIN   f:805 IPNI   77126611-1 FW   55738

Апісанне

Гэта шматгадовыя, іншы раз аднагадовыя травы, рэдка драўнінныя расліны з чарговымі, звычайна складанымі чаранковымі лістамі, большай часткай без прылісткаў. Кветкі двухполыя, актынаморфныя, з 5 пяцічленных кругоў. Чашачка захоўваецца пры пладах. Пялёсткі свабодныя, іншы раз некалькі зрослыя ў аснове. Тычынак, як правіла, 10 (іншы раз 5 з іх пераўтвораны ў стамінодыі), у двух кругах. Тычынкавыя ніці ўнізе зрослыя. 5 пладалісцікаў зрастаюцца ніжнімі часткамі, утвараюць пяцігняздовую верхнюю завязь з некалькімі, двума ці адным семязачаткам у кожным гняздзе. Верхнія часткі пладалісцікаў застаюцца свабоднымі, 5 стылодыяў з галоўчатымі рыльцамі. Плады — каробачкі, рэдка ягады.

Роды

Лісце кісліцы звычайнай (Oxalis acetosella)

Сямейства складаецца з пяці родаў:

• Averrhoa L. [1]
• Biophytum DC. [2]
• Dapania Korth. [3]
• Oxalis L. typus — Кісліца [4]
• Sarcotheca Blume [5]

У квадратных дужках паказаны нумар персанальнай старонкі роду на сайце Germplasm Resources Information Network.

Літаратура

• Сапегін Л. М. Батаніка. Сістэматыка вышэйшых раслін: вучэбны дапаможнік для студэнтаў устаноў вышэйшай адукацыі па біялагічных спецыяльнасцях. — Гомель: ГДУ, 2012. — 337 с. ISBN 978-985-439-644-6

Спасылкі

• Кисличные: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)