Львоўская багаслоўская семінарыя
Львоўская багаслоўская семінарыя (укр.: Львівська богословська семінарія) — вышэйшая навучальная ўстанова тэалагічнага профілю Украінскай Царквы Хрысціян Веры Евангельскай, якая знаходзіцца ў Львове.
| Львоўская багаслоўская семінарыя (ЛБС) | |
|---|---|
| Львівська богословська семінарія | |
| Арыгінальная назва | Львівська богословська семінарія |
| Міжнародная назва | Lviv Theological Seminary |
| Заснаваны | 1999 |
| Рэктар | Салайдзяк Уладзімір Пятровіч |
| Юрыдычны адрас | вул. Скрыпніка 2а, Львоў, 79049, Украіна |
| Сайт | lts.lviv.ua |
Гісторыя правіць
У канцы 1980-х гг. першая Львоўская царква Хрысціях веры евангельскай «Віфанія» вырашыла пачаць будаўніцтва комплексу, які спалучаў бы Дом малітвы і памяшканне для багаслоўскай навучальнай установы. У кастрычніку 1990 г. Львоўскі гарадскі савет прыняў рашэнне аб вырабе праектнай дакументацыі для будаўніцтва комплексу. У тым жа месяцы дзяржава прадаставіла царкве для будаўніцтва зямельны ўчастак у Сыхіўскім раёне на вуліцы Скрыпніка.
Некаторы час царква магла ўласнымі сіламі весці будаўніцтва, аднак заняпад эканомікі ў пачатку 1990-х гг. стварыў сітуацыю, пры якой царкве прыйшлося шукаць дапамогі ў дыяспары. Пры гэтых умовах найбольшую дапамогу ў завяршэнні будаўніцтва семінарскай часткі комплексу аказалі евангельскія цэрквы Канады. Дзякуючы гэтай дапамозе ў 1998 г. атрымалася завяршыць будаўніцтва, а семінарыя была забяспечана ўсім неабходным для правядзення навучальнага працэсу.
У гэты ж перыяд адбылася афіцыйная рэгістрацыя семінарыі як навучальнай установы ў структуры Львоўскага абласнога аб’яднання цэркваў Хрысціян веры евангельскай. Важнай падзеяй стала першае арганізацыйнае пасяджэнне семінарыі, якое адбылося 4 снежня 1998 г. На пасяджэнні быў абраны савет апекуноў семінарыі (старшыня — Р. І. Ляхоўскі) і першы рэктар (А. І. Кліноўскі).
У студзені 1999 г. навучальная ўстанова прыняла першых студэнтаў. З гэтага часу семінарыя бесперапынна праводзіць навучальны працэс, з 2000 г. паспяхова функцыянуе завочны факультэт семінарыі. У кастрычніку 2002 г. семінарыя стала членам Еўраазіяцкай акрэдытацыйнай асацыяцыі. У 2004 г. адбылося далучэнне да Львоўскай багаслоўскай семінарыі завочнага Біблейскага інстытута. Семінарыя працуе над адкрыццём завочных філіялаў у розных рэгіёнах Украіны, Расіі і ЗША. У 2007 г. пачалося навучанне на студыях магістратуры — сёння некалькі дзясяткаў студэнтаў вучацца па спецыяльнасці «Ммагістр багаслоўя». Праводзіцца праца па распрацоўцы праграмы дыстанцыйнага навучання.
Спецыяльнасці правіць
- Стацыянарны факультэт
- спецыяльнасць «Бакалаўр багаслоўя» (3 гады)
- Вочна-завочны факультэт
- спецыяльнасць «Бакалаўр пастарскага служэння» (4 гады)
- спецыяльнасць «Бакалаўр хрысціянскага служэння» (4 гады)
- спецыяльнасць «Магістр багаслоўя» (2,5 года)
- Пастарска-місіянерская школа (1 год)