Лютэранская кірха (Полацк)
Лютэра́нская кі́рха — колішні лютэранскі храм у Полацку, заснаваны паміж 1888—1912 гг., з 1950 года тут размяшчаецца Полацкі краязнаўчы музей. Помнік неагатычнай архітэктуры[1].
| Кірха | |
| Евангельска-аўгсбургская кірха ў Полацку | |
|---|---|
 Лютэранская кірха ў Полацку | |
| 55°29′05,32″ пн. ш. 28°45′49,42″ у. д.HGЯO | |
| Краіна |
 Беларусь |
| Горад | Полацк |
| Канфесія | лютэранства |
| Епархія | Полацкая суперінтэндацыя |
| Тып будынка | кірха |
| Архітэктурны стыль | неаготыка |
| Дата заснавання | 1888—1912 |
| Будаўніцтва | 1888 |
| Асноўныя даты | |
|
195-1912 — Будаўніцтва |
|
| Статус |
 Гісторыка-культурная каштоўнасць Беларусі, шыфр 213Г000615 |
| Стан | перароблена ў музей |
 |
|
 Медыяфайлы на Вікісховішчы | |
Гісторыя правіць
У 1775 годзе ў Полацку і Магілёве ўзніклі лютэранскія абшчыны немцаў[2], у тым жа года была заснавана драўляная лютэранская кірха.
Дакладна вядома, што ў 1848 годзе ў Полацку існавала лютэранская кірха. Сучасная кірха была пабудавана дзесьці паміж 1905—1912 гг. на месцы старой драўлянай кірхі, пасля імператарскага ўказу ад 17 красавіка 1905 года аб верацярпімасці, што выклікала ў Полацку пераход праваслаўных у лютэранства, у выніку чаго ў Полацку ўзнік самастойны прыход (раней полацкія лютэране адносіліся да Віцебскага прыхода) і пачала будавацца новая кірха. Кірха без перапынку працавала да Кастрычніцкай рэвалюцыі. У адрозненні ад шматлікіх іншых беларускіх храмаў, разбураных камуністычнымі ўладамі, кірхе ў Полацку пашанцавала застацца, у 1948 годзе тут размясціўся Полацкі краязнаўчы музей, які працуе ў гэтым будынку да сённяшняга часу.
Архітэктура правіць
Каменная кірха ў стыле неаготыкі. Да асноўнага прамавугольнага ў плане аб'ёму з 4-граннай апсідай з рызніцай з боку галоўнага фасаду прымыкае 2-ярусная чацверыковая вежа, завершаная высокім 4-схільным дахам. Галоўны ўваход на першым ярусе вежы выдзелены стрэльчатым парталам, над якім — круглы аконны праём. Абодва яруса вежы завершана ляпнымі накладнымі карнізамі з ажурным арнаментальным поясам[3].
- Лютэранская кірха
-
Партал кірхі -
Кірха з боку апсіды -
Вежа кірхі
Гл. таксама правіць
Зноскі
- ↑ «Збор помнiкаў гiсторыi i культуры Беларусі. Віцебская вобласць». Мінск, выдавецтва «Беларуская Савецкая Энцыклапедыя імя Петруся Броўкі», 1985 год.
- ↑ Немцы в России. Немецкие лютеранские общины и их церкви (руск.)
- ↑ «Архітэктура Беларусі. Энцыклапедычны даведнік». Мінск, «Беларуская Энцыклапедыя імя Петруся Броўкі», 1993 год. 620 стар. ISBN 5-85700-078-5.
Літаратура правіць
- Туристская энциклопедия Беларуси. Мн. Беларуская Энцыклапедыя, 2007
Спасылкі правіць
- Лютэранская кірха (Полацк) на сайце Radzima.org
- Лютэранская кірха (Полацк) на сайце Глобус Беларусі (руск.)