Лізавета Памеранская
Лізавета Памеранская (чэшск.: Alžběta Pomořanská; 1346/1347 — 15 красавіка 1393, Градзец-Кралавэ) — жонка імператара Свяшчэннай Рымскай імперыі Карла IV, каралева Чэхіі, імператрыца Свяшчэннай Рымскай імперыі.
| Лізавета Памеранская | |
|---|---|
 | |
 | |
| Нараджэнне |
13 лістапада 1347[1] |
| Смерць |
14 лютага 1393[2][1][…] (45 гадоў) |
| Месца пахавання | |
| Род | Памеранскі дом[d] |
| Бацька | Багуслаў V Вялікі[d] |
| Маці | Лізавета Казіміраўна[d] |
| Муж | Карл IV Люксембургскі[3] |
| Дзеці | Ганна Чэшская, Жыгімонт I Люксембургскі, Маргарыта Багемская[d], Ёган фон Гёрліц[d] і Карал Багемскі[d][4] |
| Дзейнасць | імператрыца-кансорт |
 Медыяфайлы на Вікісховішчы | |
Лізавета была дачкой памеранскага герцага Багуслава V і Лізаветы Польскай (дачкі польскага караля Казіміра III). 21 мая 1363 года яна пабралася шлюбам у Кракаве з імператарам Карла IV.
На момант заключэння шлюбу нявесце было 16 гадоў, а мужу — 47, усяго толькі за год да гэтага Карл пахаваў сваю папярэднюю жонку. Шлюб быў заключаны па палітычных матывах: Карлу было неабходна раскалоць антычэшскую кааліцыю, створаную аўстрыйскім герцагам Рудольфам IV, у якой прынялі ўдзел чэшскі і венгерскі каралі. 18 чэрвеня 1363 года Лізавета была каранавана ў Празе як каралева Чэхіі, а 1 лістапада 1368 года Папа Урбан V каранаваў яе ў Рыме як імператрыцу Свяшчэннай Рымскай імперыі.
У Карла і Лізаветы было шасцёра дзяцей:
- Ганна (11 мая 1366 — 3 чэрвеня 1394); муж: з 1382 года Рычард II Плантагенет (6 студзеня 1367 — 14 лютага 1400), кароль Англіі (1377—1399)
- Сігізмунд (15 лютага 1368 — 9 снежня 1437), кароль Чэхіі (Зігмунд, 1419—1421, 1436—1437), кароль Венгрыі (Жыгманд, 1387—1437), курфюрст Брандэнбурга (1373—1387), кароль Германіі (20 верасня 1410 — 9 снежня 1437), імператар Свяшчэннай Рымскай імперыі (31 мая 1433 — 9 снежня 1437)
- Ёган (22 чэрвеня 1370 — 1 сакавіка 1396), герцаг Гёрліца, курфюрст Брандэнбурга з 1373 года
- Карл (13 сакавіка 1372 — 24 ліпеня 1373)
- Маргарыта (29 верасня 1373 — 4 чэрвеня 1410); муж: з 1387 года Іаан III фон Гогенцолерн (1369 — 11 чэрвеня 1420), бургграф Нюрнберга з 1397 года
- Генрых (1377—1378)
Лізавета была вельмі моцнай і энергічнай жанчынай, у яе склаліся добрыя адносіны з мужам, аднак яна не змагла аказаць уплыву на яго палітыку: ён аддаваў перавагу дзяцям ад ранейшых шлюбаў.
Калі 29 лістапада 1378 года Карл памёр, быўшы ў Празе, яго спадчыннікам стаў Венцэль, сын ад шлюбу з Ганнай Швайдніцкай. Пасля гэтага Лізавета сканцэнтравалася на забеспячэнні дабрабыту сваіх уласных дзяцей, галоўным чынам Сігізмунда, якому яна аказала падтрымку ў атрыманні кароны Венгрыі.
Яна сканала 14 лютага 1393 года ў Градзец-Кралавэ і была пахавана ў пражскім Саборы Святога Віта побач з мужам. Лізавета перажыла мужа на 15 гадоў.
Зноскі
- ↑ а б Czech National Authority Database Праверана 23 лістапада 2019.
- ↑ Lundy D. R. Elisabeth von Pommern // The Peerage Праверана 9 кастрычніка 2017.
- ↑ (unspecified title) Праверана 7 жніўня 2020.
- ↑ Lundy D. R. The Peerage
Спасылкі правіць
На Вікісховішчы ёсць медыяфайлы па тэме Лізавета Памеранская
