Літоўская акадэмія музыкі і тэатра
Літоўская акадэмія музыкі і тэатра (літ.: Lietuvos muzikos ir teatro akademija) — вышэйшая музычная і тэатральная навучальная ўстанова Літвы.
| Літоўская акадэмія музыкі і тэатра | |
|---|---|
| літ.: Lietuvos muzikos ir teatro akademija[1] | |
 | |
| Заснаваны | 1919 |
| Студэнты | 1 167 |
| Сайт | lmta.lt |
 Медыяфайлы на Вікісховішчы | |
Гісторыя правіць
Першая кансерваторыя ў Літве была заснаваная ў Каўнасе ў 1933 годзе ў выніку рэарганізацыі музычнай школы, заснаванай ў 1919 годзе кампазітарам Юозасам Наўялісам.
Кіраўнікамі Каўнаскай кансерваторыі на працягу дзесяцігоддзя былі напераменку Юозас Груодзіс і Казімерас Віктарас Банайціс.
У 1943 годзе ў сувязі з ваеннымі дзеяннямі кансерваторыя была зачынена. У 1944 годзе работа Каўнаскай кансерваторыі была адноўленая, а ў 1945 годзе ў Вільні была заснавана Вільнюская кансерваторыя. У 1949 годзе дзве гэтыя навучальныя ўстановы былі аб’яднаны ў Літоўскую дзяржаўную кансерваторыю, якая працуе ў Вільні. У 1952 годзе ў кансерваторыі адкрылася акцёрскае аддзяленне. У 1989 годзе было адкрыта аддзяленне ў Каўнасе. У 1992 годзе кансерваторыя была перайменавана ў Літоўскую акадэмію музыкі, а ў 2004 годзе атрымала цяперашнюю назву.
Па стане на 1 студзеня 2005 года Акадэмія мела 1167 студэнтаў і 274 выкладчыкі.
Вядомыя выпускнікі і выкладчыкі правіць
- Іонас Стасюнас (1919—1987) — скончыў акадэмію ў 1948 годзе[2]. Выкладаў з 1962 года, з 1983 года — прафесар[2].
Зноскі
- ↑ https://web.archive.org/web/20200923154928/https://www.lmba.lt/apie-lmba/nariai
- ↑ а б Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — 552 с. — 10 000 экз. — ISBN 985-11-0035-8. — ISBN 985-11-0251-2 (т. 15).
Спасылкі правіць
На Вікісховішчы ёсць медыяфайлы па тэме Літоўская акадэмія музыкі і тэатра- Афіцыйны сайт (літ.) (англ.)
