Манга (род раслін)

Манга (Mangifera) — род трапічных раслін сямейства Сумахавыя (Anacardiaceae).

Манга (род раслін)
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Надпарадак:  Rosanae Парадак:  Сапіндакветныя Сямейства:  Сумахавыя Род:  Манга (род раслін)
Міжнародная навуковая назва
Mangifera L.
Сістэматыка на Віківідах Выявы на Вікісховішчы ITIS   28802 NCBI   23461 EOL   61090 GRIN   g:7230 IPNI   1848-1

Вечназялёныя дрэвы вышынёй 10—45 м. Лісце суцэльнае. Кветкі двухполыя і тычынкавыя, дробныя, белыя, у мяцёлчатых суквеццях. Плод — касцянка, зялёная, жоўтая або чырвоная.

Каля 40 відаў, пашыраны ў Паўднёва-Усходняй Азіі. Гэта расліна — адзін з нацыянальных сімвалаў у Індыі і Пакістане.

Манга індыйскае культывуецца са старажытных часоў, яго плады (даўж. да 25 см, дыям. да 10 см) ядомыя, маюць да 20% цукру, шмат вітамінаў, ім уласціва процівіруснае дзеянне. Некаторыя віды манга культывуюцца як пакаёвыя расліны.

Слова «манга» выкарыстоўваюць таксама для назвы садавіны з салодкім смакам і кудзелістай структурай, з лупінай у чырвоных, жоўтых і зялёных колерах і з жоўтым або аранжавым колерам мякаці.

Літаратура

• Пярэднеў У. Манга // Беларуская энцыклапедыя: У 18 т. Т. 10: Малайзія — Мугаджары / Рэдкал.: Г. П. Пашкоў і інш. — Мн. : БелЭн, 2000. — Т. 10. — 544 с. — 10 000 экз. — ISBN 985-11-0035-8. — ISBN 985-11-0169-9 (т. 10).